From Wikipedia, the free encyclopedia
Petah Arab adalah makanan nang diulah matan daging masak karih lawan galapung gandum, nang asalnya matan kampung Arab di Banjarmasin, Kalimantan Selatan. Petah Arab marupakan makanan nang dipangaruhi lawan budaya makanan urang Arab sasuai ngarannya. Panyajian Petah Arab mahirip lawan dadar gulung, tagal balainan mulai bahan sampai ka cara maulahnya.
Ngaran lain | Wadai Lempeng Arab atawa Lempeng Kari |
---|---|
Huaran | Wadai basah |
Banua asal | Indunisia |
Dairah | Tarkanal di Kalimantan Selatan dan Kalimantan Timur (dengan variasi) |
Masakan nasiunal tarait | Indunisia |
Diulah ulih | Suku Banjar |
Suhu panyajian | Hangat duwa suhu ruang |
Bahan utama | Galapung gandum, intalu, panyadap rasa, daging kambing, bumbu karih |
Salaya ngaran Petah Arab, makanan ngini juwa disambat Petah Asia, Lempeng Arab atawa Lempeng Karih.
Bahan maulah petah Arab tadiri matan 2 bagian, yaitu bagian salimputnya nang mahirip lawan kulit lumpia, lempeng biasa atawa ruti gandum. Balah salimputnya ngini mamakai galapung gandum, galapung kanji, minyak sayur, bumbu panguat rasa, intalu lawan susu kantal manis.[1]
Lamunnya bahan isiannya adalah kari daging kambing nang mamakai daging kambing (bisa aja mamakai daging ayam atawa sapi), katumbar, sahang, janar, tipakan, kaminting, bawang habang, bawang putih, bawang bumbay, gula, laus, sarai, daun salam, lombok ganal lawan cangkih.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.