Christina Mirabilis
From Wikipedia, the free encyclopedia
Christina Mirabiis (c. 1150 - 24 a viz Gouere 1224) a oa ur gevrinadez kristen bet ganet e Brustem, nepell diouzh Sint-Truiden e Kontelezh Loon, Priñselezh Liège (en Izelvroioù hiziv).
Da santez e voe lakaet en he bro e-kerzh he buhez, hag enoret e voe e-pad kantvedoù goude he marv evel m'en diskouez ar meneg anezhi e Legenda aurea Jacobus de Voragine (c. 1230-1298), e deiziadur Fasti Mariani e 1630[1] hag el levr Lives of the Saints gant Alban Butler, embannet e 1756-59[2].
Christina Mirabilis | |
---|---|
Kartenn-bediñ, 1892 | |
Ganedigezh | c. 1150 Brustem Kontelezh Loon Priñselezh Liège |
Marv | 24 a viz Gouere 1224 Sint-Truiden Kontelezh Loon Priñselezh Liège |
Santelezhadur | Hini ofisiel ebet |
Azeulet e | Limburg |
Paeroniezh | Milinerien Nammidi bredel |
Gouel | 24 a viz Gouere |
Brudet e voe adalek 1171, pa oa 21 bloaz, abalamour ma savas a-ziwar he arched e-kerzh he oferenn gañv en iliz Sint-Truiden. D'an oad a 74 vloaz e varvas da vat ha da viken.
E miz Gouere 1924 e prezegas an islamoniour Louis Massignon (1883-1962) e Belgia a-zivout Christina Mirabilis.
Hiziv c'hoazh e vez sellet a-dost ouzh deskrivadurioù ar burzhudoù a lakaer war he anv, hag ouzh he feiz iskis.
Biskoazh n'eo bet santelezhet gant an Iliz katolik roman.