Pierre-Louis Ginguené
From Wikipedia, the free encyclopedia
From Wikipedia, the free encyclopedia
Pierre-Louis Ginguené zo ur barzh breizhat ha gall ganet e Roazhon d'ar 25 a viz Ebrel 1748 ha marvet e Pariz d'ar 16 a viz Du 1816.
E studi a reas e kolaj ar Jezuisted e Roazhon evel Évariste Parny a oa gantañ.
Kentañ a reas a voe emban barzhonegoù skañvik en Almanach des Muses. E 1778, e skrivas La Satire des Satires, ha bloaz goude ec'h embannas ur gontadenn, La Confession de Zulmé, bet skrivet gantañ meur a vloaz a-raok, ha bet adskrivet gant meur a zen a lavare bezañ an oberourien anezhi.
Brudet e voe an oberenn, hag an oberour da-heul. Abalamour dezhi e voe kinniget labour dezhañ e burevioù Jacques Necker.
E 1789, pa oa troet un tamm gant an Dispac'h e kenlabouras gant La Feuille villageoise, ar Moniteur universel hag an Décade philosophique.
Bac'het e voe pa deuas mare ar Spont bras, met saveteet e voe gant an 9 a viz thermidor pa voe distroadet Robespierre.
Da vare an Directoire e voe anvet da rener an Instruction publique e ministrerezh an Diabarzh (adalek miz Du 1795 – betek miz Meurzh 1798). Ezel e oa d'an Institut e klasad ar Skiantoù moral ha politikel .
Goude ar mare buhez-se e bed ar velestradurezh hag ar politikerezh e tistroas war-dro al lennegezh: « Echuet en deus e vuhez, eme Chateaubriand en e Mémoires d'Outre-tombe , evel lennegour ha buruteller enoret, hag a zo gwelloc'h c'hoazh, skrivagner dizalc'h e-barzh an "Décade". Gant an natur e oa bet lakaet el lec'h ma oa bet tennet anezhañ dre zievezh. »
Un den onest ha madelezhus e oa, ha graet e veze « le bon Ginguené » anezhañ. Ur straed zo bet anvet diwar e lerc'h e kêr Roazhon.
 |
Ezhomm zo da vrezhonekaat ar pennad-mañ : treiñ an traoù manet en ur yezh all, pe lakaat en doare-skrivañ peurunvan ha netra ken, pe ober gant gerioù brezhonekoc'h ivez ouzhpenn. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
