Aberffraw

Aberffraw zo ur gêriadenn hag ur gumuniezh en Enez Mon, e Kembre. Dont a ra hec'h anv eus ar stêr Ffraw.

Iliz Sant Beuno, en Aberffraw.

En Aberffraw e oa lez pennañ rouaned rouantelezh Gwynedd hag ober a rae rouaned Gwynedd gant an titl priñs Aberffraw pe aotrou Aberffraw.

Er VII^vet kantved e voe savet an iliz kentañ, gouestlet da sant Beuno, met nevesoc'h eo ar savadur a weler bremañ : eus an XII^vet kantved eo al lodennoù koshañ anezhañ.

Er Mabinogi eo en Aberffraw e timezas Branwen gant Matholwch, roue Iwerzhon.

E 2011 e oa poblet ar gumuniezh gant 620 a dud, ha 409 anezho (67,5%) a oa kembraegerien^[1].