Argoad

An Argoad, pe ar Gorre e lec'hioù zo, a reer eus rannvroioù diabarzh Breizh. Enebet e vez ouzh an Arvor.

Ur pennad Argoed zo ivez.

An Argoad
Koad Pempont, e kreiz ar vro
Anv(ioù) all	Ar Gorre
Anv gallek	Argoat, Arcoat
Geografiezh
Bro	Breizh
Daveennoù lec'hiañ
Gorread	? km²
Lein uhelañ	(Roc'h Ruz) 385 m
Poblañs
Annezidi	Argoadad(ez), Argoadiz
Poblañs	? ann. (?)
Stankter	? ann./km²
Yezhoù	Brezhoneg, gallaoueg, galleg
Relijion	Katoligiezh
Istor
Donedigezh Homo Sapiens	35 000 kent J.K.
Donedigezh ar Gelted (La tène)	Vvet kantved kent J.K.
Divroadeg ar Vretoned e Breizh	Eus an IIIe betek ar Vvet kantved
kemmañ

Gerdarzh

Savet gant ar rakger ar (ha n'eo ket ar ger-mell), hag ar ger koad.

Dont a ra ar rakger ar eus un araogenn gozh, a dalveze e-kichen hag a adkaver er ger arvor hag er c'hembraeg ar, hag a vefe kar d'an araogenn c'hresianek παρα (para).

N'eo ket sklaer hag-eñ e teu an anv-se war-eeun eus ar brezhoneg pe eus ur stumm diwezhat eus ar galianeg.

Douaroniezh

Ma 'z eus muioc'h a goadeier e kreiz Breizh (Koad Kenekann, Koad Pempont, Koad Loudieg, Koad Roazhon, Koad ar C'havr en o zouez), ne greder ket mui e oa goloet Arvorig ha Galia gant koadeier divent, rak hervez an arkeologourien e veze aret an darn vuiañ eus an douaroù en Henamzer.