Avrou

Avrou en arpitaneg (Avrieux e galleg hag ent-ofisiel) zo ur gumun eus Savoia, e departamant ar Savoie, er rannvro c'hall Auvergne-Rhône-Alpes.

Avrieux
Enkerzh Avrou o tont eus Modane ha pointe de Longe Côte (3104 m) en drektalenn.
Anv arpitanek	Avrou
Bro	Savoia
Melestradurezh
Stad	Frañs
Rannvro	Auvergne-Rhône-Alpes
Departamant	Savoie
Arondisamant	Saint-Jean-de-Maurienne
Kanton	Modane
Kod kumun	73026
Kod post	73500
Maer Amzer gefridi	Jean-Marc Buttard 2014-2020
Etrekumuniezh	Kumuniezh kumunioù Haute Maurienne Vanoise
Lec'hienn web	avrieux.com
Poblañsouriezh
Poblañs	394 ann. (2022)[1]
Stankter	10 ann./km²
Douaroniezh
Daveennoù lec'hiañ
Uhelderioù	bihanañ 1094 m — brasañ 3506 m
Gorread	37,85 km²
kemmañ

Douaroniezh

Emañ kêriadenn Avrou e traoñienn Moriena, war ribl an Arc, 5 kilometr er biz da v-Modane. Tostig-tost alese emañ park broadel ar Vanoise.

Istor

Mervel a reas an impalaer Karl Voal eno d'ar 6 a viz Here 877. O tistreiñ eus Italia en doa kavet repu en Avrou (« Brios » d'ar mare-se).

E 1805 e voe krouet ur post evit linenn pellskriver Chappe Pariz — Milano.

Politikerezh

An ti-kêr.

Roll ar vaered
Maread	Anv	Strollad	Perzh
1989 – 1995	Roland Fiandino	DVD
1995 – 2001	Chantal Grenat	DVG
Meurzh 2001 – Meurzh 2014	Antoine Pla	UMP
Meurzh 2014 – -	Jean-Marc Buttard

Gevelliñ

• Piedicavallo (Italia)^[2].

Armerzh

Un aveadur 5 c'hwezerezh a zo evit studiañ emzalc'h aerodinamikel aerlistri a bep seurt (kirri-nij, fuc'helloù...). Ar c'hwezerezh vrasañ a voe savet gant an Nazied en Aostria, kenkizet gant ar C'hallaoued goude ar brezel hag staliet en Avrou.

Emañ kreizenn ski La Norma en tu all d'an Arc.

Monumantoù ha traoù heverk

• Iliz-parrez dediet da Sant Thomas Becket
• Chapel Itron-Varia an Erc'h
• Chapel Sant Benead
• Chapel Santez-Anna
• Chapel Sant-Roch
• Chapel an Dreinded santel
• Lamm-dour ar Saint-Benoit
• Kastel Avrou, aet da get
• Kreñvig Marie-Thérèse
• rummet Natura 2000^[3] eo nec'h ar gumun, evit he flant dreist-holl

• 
  Enkerzh Su kêriadenn Avrou, e park ar Vanoise.
• 
  Gwel eus ar gêriadenn ha ar c'hreñlec'h Vittorio Emanuele.
• 
  Ul lodenn eus c'hwezerezh Ofis vroadel studiadennoù hag imbourc'h an aeregor.
• 
  Lamm-dour Saint-Benoit e norzh Avrou.