Charente (departamant)

Ar Charente (e galleg hag ent-ofisiel; bet brezhonekaet e Charentez^[2]; Charanta en okitaneg; poateveg-santoñjeg: Chérente) a zo un departamant (niverenn 16) e kornôg-kreiz Bro-C'hall, en Angoumois gozh evit ur braz, er rannvro Akitania-Nevez hiziv. Dont a ra an an anv eus ar stêr Charente. Angoulême eo ar pennlec'h anezhañ. Un drederenn eus an departamant a zo en Okitania.

Charente
Anv santonjek	Chérente
Anv okitanek	Charanta
Melestradurezh
Riez	Frañs
Rannvro	Akitania-Nevez
Pennlec'h (prefeti)	Angoulême
Isprefetioù	Cognac Confolens
Prezidant ar c'huzul-departamant	Philippe Bouty
Prefed	Martine Clavel
Kod EBSSA	16
Kod ISO 3166-2	FR-16
Kod Eurostat NUTS-3	FR531
Poblañsouriezh
Poblañs	351 603 ann. (2022)[1]
Stankter	59 ann./km²
Douaroniezh
Kenurzhiennoù	45° 49′ 59″ Norzh 0° 19′ 59″ Reter
Gorread	5 956 km²
Adrannoù
Arondisamantoù	3
Pastelloù-bro	4
Kantonioù	19
Etrekumuniezhioù	9
Kumunioù	366
kemmañ

Istor

Departamant ar Charente hag ar proviñsoù kozh.

Savet e oa bet an departamant da heul an Dispac'h Gall, d'ar 4 a viz Meurzh 1790, war dachenn ar broviñs kozh Engoumaes. Adalek henoadvezh uhel ar maen e oa bet annezet avat. Gant pobl ar Santones e oa bet dalc'het kent an aloubidigezh roman. Un departamant artifisiel eo, evel alies evit an departamantoù. Dont a ra al lodenn vrasañ eus an tiriad eus an Angoumois met al lodenn su a zeu diwar ar Saintonge, ha tammoù eus Poatev a zo ivez en norzh, hag eus Bro-Lemojez (March) er biz.

Yezhoù

Bro okitanek Charente

Un tammig en tu-mañ d'un drederenn eus an tiriad a zo er vro okitanek, el lodenn reter. Ar peurrest a zo er vro c'hallek, gant ar rannyezh poateveg-santoñjeg.

Arondisamantoù Charente

• Angoulême
• Cognac
• Confolens