Chimborazo

Ar Chimborazo (distaget [tʃimboˈɾaso] e spagnoleg Ecuador) a zo ur menez-tan gweleadek, en Andoù, en Amerika ar Su. Ur menez-tan kousket eo hag e zislonkadenn diwezhañ a oa c'hoarvezet e-tro ar bloaz 550 war a greder. Menez uhelañ Bro-Ecuador eo, gant e 6 268 m, ha dre m'emañ tost d'ar C'heheder, ha dre ma'z eo kofekoc'h an Douar dre eno, eo ar menez ar pellañ e veg diouzh kreiz an Douar, daoust ma n'eo ket an hini uhelañ a-us da live ar mor. N'eo nemet an 39vet menez uhelañ en Andoù^[3]. Evel an Everest ez eo brudet ar Chimborazo e-touez ar graperien menezioù. Ret eo bezañ barrek a-walc'h da bignat outañ, alies war skorn du, hag abalamour da se kraponoù ha akiperezh krapat high-tech a ranker da gaout.

Evit implijoù all, gwelet Chimborazo (disheñvelout).

---

Chimborazo
Beg ar Chimborazo eo al lec'h pellañ diouzh kreiz an Douar.
Douaroniezh
Uhelder	6 263,47 metr
Ledred	1.469°S
Hedred	78.817°W
Melestradurezh
Bro	Ecuador
Geologiezh
Oad	marevezh Paleogenel[1]
Mein	Andesite, andesit basaltek, dakit, riolit
Seurt	menez-tan gweleadek
Tarzhadenn diwezhañ	550 ± 150 vloaz[2]
kemmañ