Creones

Creones a oa anv ur bobl keltiek eus hanternoz Enez Vreizh, etre an Epidii er c'hreizteiz hag ar g-Carnonacae en hanternoz. N'int anavezet nemet diwar ar meneg a ra an douaroniour Klaudios Ptolemaios anezho^[1]. Diouzh a skrivas e oant o chom en arvor kornaoueg Bro-Skos, er c'hreisteiz da enez Sitis (Sgitheanach/Skye) hag en hanternoz da enez Muile.

Pobloù hanternoz Enez Vreizh

O anv

Meur a stumm a anavezer eus o anv :

• Ptol. II, 3, 8 : Creones / Cerones
• Ravenna 107₅₆ : Credigone

Hervez Rivet & Smith e vefe savet an anv-se diwar ar wrizienn K-R-N, hag a gaver ivez en anvioù Caereni, Carnonacae, Cornovii, Corinium... N'anavezer ket talvoudegezh an anv avat^[2].