Fegerieg

Fegerieg a zo ur gumun eus Breizh, e Liger-Atlantel, e gevred ar vro.

Fegerieg
Ar maerdi.
Anv gallek (ofisiel)	Fégréac
Bro istorel	Bro-Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Sant-Nikolaz-an-Hent betek 2015, Pontkastell-Keren abaoe 2015
Kod kumun	44057
Kod post	44460
Maer Amzer gefridi	Jérôme Ricordel 2020-2026
Etrekumuniezh	Redon tolpad-kêrioù
Lec'hienn Web	www.fegreac.fr
Poblañsouriezh
Poblañs	2 243 ann. (2023)[1]
Stankter	51 ann./km²
Douaroniezh
Daveennoù lec'hiañ	47° 35′ 08″ Norzh 2° 02′ 36″ Kornôg
Uhelderioù	kreiz-kêr : 43 m bihanañ 0 m — brasañ 62 m
Gorread	44,18 km²
Fegerieg
kemmañ

• 
  Ar vourc'h.

Douaroniezh

• E Fegerieg emañ kember ar Gwilen hag an Izar.

Anv

• Erwan Vallerie (1995) : Fegreac, 1287; Feguereac, 1305; Fegreac, 1453; Feguerea, Feuguerea, 1636.

Ardamezioù

• En sabel e deir flourdilizenn en argant laket 2 ha 1; e gab gwriet en glazur karget gant tri bezantenn en aour.

Istor

Henamzer

• War an hent galian-ha-roman eus Darioritum da Andecavis dre Vlaen edo Fegerieg^[2],[3].

XV^vet kantved

• E 1449 e voe lakaet ar barrez en Eskopti Redon, bet savet e miz Even ha diskaret e miz Kerzu^[4].

Dispac'h Gall

• Krouet e voe kumun Fegerieg e 1790 diwar ar barrez katolik. Lakaet e voe e Kanton Sant-Nikolaz hag e Bann Blaen. E 1800 e voe lakaet en Arondisamant Savenneg^[5].

XX^vet kantved

Brezel-bed kentañ

• Mervel a reas 148 gwaz ag ar gumun abalamour d'ar brezel hervez monumant ar re varv, da lavaret eo 5,35% eus he foblañs e 1911^[6].
• Ur milour bet ganet e Fegerieg a voe fuzuilhet gant al lu gall e 1916.

Eil brezel-bed

• Mervel a reas trizek den ag ar gumun abalamour d'ar brezel hervez monumant ar re varv^[7].

Trevadennoù

• Brezel Indez-Sina: mervel a reas ur milour eus ar gumun hervez monumant ar re varv d’ar 24 a viz Genver 1949 er Col Des Nuages (Kreiz-Annam) er Viêtnam; serjant e oa er 75vet BCG (Batailhon Trevadennel Ijinouriezh)^[8].
• Brezel Aljeria: lazhet e voe ur milour eus ar gumun d’ar 16 a viz Mae 1962^[9].

XXI^vet kantved

• Lakaet e voe ar gumun e Kanton Pontkastell-Keren pa voe diskaret Kanton Sant-Nikolaz-an-Hent e 2014^[10].

Brezhoneg

• 21,9 % eus anvioù-lecʼh ar gumun a zo brezhonek^[11].
• E-kerzh ar bloavezhioù 1930 e votas kuzul-kêr Fegerieg ur gouestl evit kelenn ar brezhoneg er skolioù, diwar atiz al luskad Ar Brezoneg er Skol (ABES).

Monumantoù ha traoù heverk

Henamzer

• Ur bonn miler e Kreac’h Sant-Jakez^[12].
• Kavet e voe delwenn un doueez c'halian bet graet e pri poazh gant Rextugenos (dibenn ar Iañ kantved–penn-kentañ an Eil kantved) e krec’h Bro e 1887. Miret eo er Mirdi Dobrée e Naoned^[13],[14].

Krennamzer

• Ul laouer-vez eus prantad ar Veroveed^[15].

Kastelloù ha manerioù

• 
  Talbenn Su ar c'hastell.
• 
  Ar c'houldri.
• 
  Chapel Sant Jozeb ar c'hastell, XIIIvet kantved-XVIvet kantved-1864, luc’hskeudennoù^[16],[17].

• Kastell La Touche Saint-Joseph, luc’hskeudenn^[18].
• Kastell an Dreneg, XVIvet kantved^[19].
• Maner Penhoet^[20].

Savadurioù relijiel katolik

• 
  An iliz katolik.

• Chapel Sant Armael, XIIIvet kantved-XXvet kantved, luc’hskeudennoù^[21],[22].
• Chapel ar Vadalen e La Madeleine, luc’hskeudennoù^[23],[24].
• Chapel Sant Jakez e Le Bellion, XIVvet kantved-XVvet kantved-XVIIIvet kantved, adkempennet tro 2000, luc’hskeudennoù^[25],[26].
• Chapel Intron-Varia Gwir-Sikour, Sant Sulian ha Sant-Europus e Barrisset, 1710, luc’hskeudennoù^[27],[28].
• Chapel an Aeled-Vat e Villeberte, 1798, luc’hskeudennoù^[29],[30].
• Chapel Santez Anna en Dreneg, XIVvet kantved- XVvet kantved, luc’hskeudennoù^[31].

Monumantoù all

• Monumant ar re varv e-tal an iliz katolik, luc’hskeudenn^[32]. Dioueliet e voe d’ar 27 a viz Du 1921^[33].

Emdroadur ar boblañs abaoe 1962

Niver a annezidi

Melestradurezh

Tud

• Louis-Charles de Rieux, bet fuzuilhet e 1795 goude Dilestradeg c'hwitet ar roueelerien e Kiberen^[34].
• Louis Legendre, 33 bloaz, ganet e Fegerieg, korporal er 225vet Rujumant Troadegiezh, fuzuilhet gant al lu gall e Somme-Suippe d'an 29 a viz Du 1916 e-pad ar Brezel-bed kentañ^[35].

Ardamezeg ar familhoù

	Becdelièvre Aotrounez Penhoët	En sabel a ziv c'hroaz melionek en argant, an troad hesanket, heuliet gant ur c'hregilhenn ivez en argant ouzh beg Sturienn ː Hoc tegmine tutus

Gevellerezh

Liammoù diavaez

Commons

Muioc'h a restroù diwar-benn

Fegerieg

a vo kavet e Wikimedia Commons.

• (br)Fegerieg war lec'hienn Geobreizh