Jord

Jord pe Jorj (hervez an dud) a zo un anv-bihan brezhonek kevatal d'an anv saoznek George ha d'an anv gallek Georges.

Sant Jord trec'h d'an aerouant

Gerdarzh

Talvezout a ra "an hini a labour an douar, labourer-douar" e henc'hresianeg (Γεώργιος / Georgios).

Adstumm

Dont a ra ar stumm Jorj eus ar galleg, pa'z eo tostoc'h ar stumm Jord d'an anv katalanek Jordi, dre ma seblant dont eveltañ eus an anv henc'hresianek.

E yezhoù all

Tud dibar

Sent

• Jord a Lydda, sant eus IIIde kantved, paeron Bro-Saoz, Katalonia, Etiopia ha Jorjia. Diwall a ranker gant Jorjia, er C'haokaz. Ne deufe ket hec'h anv eus an anv-bihan a zo kaoz anezhañ amañ met eus ar perseg, deuet deomp dre an arabeg. He sant paeron eo Jorj a Lydda avat.

Rouaned ha priñsed

Ar Roue Jord V
o skubañ e ditloù alaman
tresadenn eus 1917

• un roue e Bohemia
• daouzek roue eus Jorjia
• adalek an XVIII^vet kantved c'hwec'h roue Breizh-Veur hag ar Rouantelezh-Unanet. Ur roue Rouantelezh Hannover. An holl eus ar memes familh :
  • Jord Iañ a Vreizh-Veur, roue Breizh-Veur eus 1714 da 1727
  • Jord II a Vreizh-Veur, roue Breizh-Veur eus 1727 da 1760
  • Jord III a Vreizh-Veur, roue Breizh-Veur eus 1760 da 1801. Goude roue ar Rouantelezh-Unanet eus 1801 da 1820 ha roue Hannover eus 1815 da 1820
  • Jord IV a Rouantelezh-Unanet roue ar Rouantelezh-Unanet ha Hannover eus 1820 da 1830
  • Jord V a Rouantelezh-Unanet roue ar Rouantelezh-Unanet hag impalaer an Indez eus 1910 da 1936
  • Jord VI a Rouantelezh-Unanet roue ar Rouantelezh-Unanet eus 1936 da 1952 hag impalaer an Indez eus 1936 da 1947
  • Jord V a Hannover roue a Hannover eus 1851 da 1866
• daou roue hellenian :
  • Jord Iañ a C'hres roue an Hellenianed eus 1863 da 1913
  • Jord II a C'hres roue an Hellenianed eus 1922 da 1947
• un Dug-Meur Mecklembourg-Strelitz :
  • Jord Iañ a Mecklembourg-Strelitz dug-Meur Mecklembourg-Strelitz eus 1816 da 1860
• un roue Rouantelezh Saks :
  • Jorj I^añ a Saks roue Saks eus 1902 da 1904
• ur margrav e Baden :
  • Jord a Vaden a zo ken-margrav Baden-Durlach eus 1577 da 1604 neuze margrav betek 1621 ha margrav Baden-Baden eus 1604 da 1621.
• ur c'hont eus Oldenbourg :
  • Jord a Oldenbourg kont Oldenbourg eus 1526 da 1551