Karnod

Karnod (Chartres-de-Bretagne e galleg) a zo ur gumun eus Breizh e Kanton Bruz e departamant Il-ha-Gwilen.

Karnod
Ar maerdi.
Anv gallaouek	Chartr
Anv gallek (ofisiel)	Chartres-de-Bretagne
Bro istorel	Bro-Roazhon
Melestradurezh
Departamant	Il-ha-Gwilen
Arondisamant	Roazhon
Kanton	Bruz
Kod kumun	35066
Kod post	35131
Maer Amzer gefridi	Philippe Bonnin 2020-2026
Etrekumuniezh	Roazhon Meurgêr
Bro velestradurel	Bro Roazhon
Lec'hienn Web	https://www.chartresdebretagne.fr
Poblañsouriezh
Poblañs	8 880 ann. (2023)[1]
Stankter	879 ann./km²
Douaroniezh
Daveennoù lec'hiañ	48° 02′ 22″ Norzh 1° 42′ 14″ Kornôg
Uhelderioù	bihanañ 16 m — brasañ 50 m
Gorread	10,1 km²
Karnod
kemmañ

Douaroniezh

• Ar Sec'h a dreuz ar gumun.

Anv

• Erwan Vallerie, heuliañ Jean-Yves Le Moing ː Cartres, 1152; Chartres, 1170

diouzh pagus Carnotenus, bro ar Garnuted, ur bobl kelt (pe rann-bobl) e-touez ar Redones^[2]

Ardamezioù

"Palefarzhet; ouzh 1 ha 4, en argant e deir eilenn sourinet en gul; ouzh 2, geotet e pod skouarnek en aour; ouzh 3, geotet e rod dentek en argant"

diouzh ardamezioù familh de Fontenay (1-4), ijinerezh kozh (podoù), ijinerezh a-vremañ (ar rod evit kirri-tan)^[3]

Istor

XX^vet kantved

Brezel-bed kentañ

• Mervel a reas 54 gwaz abalamour d'ar brezel hervez monumant ar re varv, eleze 6,39% ag ar boblañs hervez an niveradeg bet graet e 1911^[4].

Reter-Nesañ

• Liban-Siria, Emsavadeg Druz: ur soudard a varvas e Nedoha (Liban) d‘an 16 a viz Meurzh 1926 pa voe tapet ur gevrenn 50 Gall ha Senegalad eus ar 4vet RTC en un ambuskad^[5],[6].

Eil Brezel-bed

• Mervel a reas seizh den eus ar gumun abalamour d'ar brezel^[7].
• D'an 8 a viz Gwenholon 1943 e kouezhas un nijerez anavezadenniñ Junkers Ju 88D-1 eus ar Wettererkundungsstaffel 51 eus an aerlu alaman (Luftwaffe) e "Le Bois noir" e Karnod; lazhet e voe e dri nijour, douaret int e Mont-de-Huisnes^[8].
• D'an 11 a viz Ebrel 1944 e kouezhas ur c'harr-nij P-47DF (marilhet 42-25536 ha kodet CH-D) eus aerlu SUA (United States Army Air Forces) e "La Teslaire" e Karnod; lazhet e voe e sturier^[9].

Brezelioù didrevadennañ

Brezel Indez-Sina

• Daou soudard a varvas.

Brezel Aljeria

• Daou soudard a varvas.

Monumantoù ha traoù heverk

• 
  Ar fornioù-raz.
• 
  Ar stank.
• 
  An iliz katolik.

• Ar fornioù-raz e Lormandière.
• Stank Lormandière.
• An iliz katolik.
• Monumant ar re varv kozh, kartenn-bost^[10]. Dioueliet e oa bet d’ar 25 a viz Gwengolo 1921^[11].
• Monumant ar re varv nevez, luc’hskeudennoù^[12]. Dioueliet e voe d’an 10 a viz Du 2018^[13].
• Plakenn ar re varv (1914-1918 ha 1939-1945) en iliz katolik, luc’hskeudenn^[14].

Emdroadur ar boblañs abaoe 1793

^[15]

Melestradurezh

Roll ar maerioù
Mare		Anv	Strollad	Karg
1919[16]	??	Joubaire		-
??	??	??		-
??	1956	Antoine Chatel (tad)
1956	1995	Antoine Chatel (mab)	Dehoù diseurt
1995	→ bremañ	Philippe Bonnin	PS	Kuzulier-departamant
N'eo ket anavezet c'hoazh an holl fedoù.

Gevelliñ

• An Caisleán Nua Thiar (Iwerzhon)

Tud

Ardamezeg ar familhoù

	d'Acigné, Aotrounez Fontenay	En erminoù e dreustell zivouedet en gul karget gant teir flourdilizenn en aour. Sturienn : Neque terrent monstra[17]
	du Pont d'Oville Aotrounez Fontenay	En argant, e dreustell volzek evel ur pont, karget gant ur rodig-kentr en aour, hag heuliet gant teir rozenn en gul

Liammoù diavaez

Commons

Muioc'h a restroù diwar-benn

Karnod

a vo kavet e Wikimedia Commons.

• (fr)Lec'hienn Kumun Karnod

Levrlennadur

• (fr)Michel Froger & Michel Pressensé : Armorial des communes du Finistère. 2001
• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995