Krug

Ar c'hruged eo al loened divellkeinek a ya d'ober an urzhiad Scorpiones (C. L. Koch, 1837). Eizh pav o deus. Aes int da anout gant o rumm pav pafalañ hag o lost gwaret, binimus o flemm, e tougenont e penn o c'hof. Tro-dro 1750 spesad a zo.

Kruged
Androctonus crassicauda
Rummatadur filogenetek
Riezad :	Animalia
Skourrad :	Arthropoda
Isskourad :	Chelicerata
Kevrennad :	Arachnida
Urzhad :	Scorpiones
D'ar vevoniezh e tenn ar pennad-mañ.

Doareoù pennañ

Loened noz pe beuznoz int, ha turierien.

Boued

Preizhañ a reont arthropoded vihan, hag ivez glazarded ha naered vihan.

Annezva

██ Annezva Scorpiones

Spesadoù

13 kerentiad ha tro-dro 1750 spesad hag isspesad a zo, ha 111 takson zo steuziet.

Darempredoù gant an dud

Bep bloaz e vez flemmet miliadoù a dud gant ar c'hruged, er broioù trovanel. Implijet eo o binim gant an enklask mezegiezh.

Evel boued

Fritet e vezont e bro Shandong, e Sina.

Evel argel

• Krug, ur steredeg,
• Krug, unan eus 12 azon an arouezkelc'h hervez steredourien Babilon,
• e Henegipt e oa an doueez Serket derc'hennet en ur grug,
• ul loen a-bouezh eo ar grug e su Afrika hag Azia, hag en arzh islamek,
• Luis Buñuel, ar filmaozer surrealour, a ziskouezh kruged evel un adammeg en e film L'Age d'or e 1930^[1],
• an droug eo ar c'hruged hag an naered er relijion gristen, hervez an Testamant Nevez,
• Scorpions zo ur strollad hard rock brudet.