Marcel Wanders

Marcel Wander (2 a viz Gouere 1963 e Boxtel, Izelvroioù) a zo un dizagnour izelvroat.

Marcel Wanders, 2008.

E vuhez

Wanders a voe diplomet e skol-arzoù Arnhem e 1988. Etre 1990 ha 1992 e labouras e Landmark Design & Consultancy, unan eus studioioù dizagn pouezusañ an Izelvroioù. E 1992 e voe e-touez pevar c'hrouer WAAC's Design & Consultancies, hag a zeuas buan da vezañ unan eus studioioù dizagn brudetañ an Izelvroioù. Labourat a reas evel dizagnour dizalc'h, ha brudet e teuas da vezañ pa savas ar gador Knotted Chair hag a voe produet gant ar strollad dizagnourien izelvroat Droog Design e 1996.

E 2000 e krouas Wanders an embregerezh Moooi, ma vez savet oberennoù dibar ha fentus war un dro.

E oberenn

Kador Knotted Chair

Oberennoù Marcel Wanders a gaver e meur a virdi evel ar MoMA^[1] pe er SFMOMA^[2], Museum Boijmans Van Beuningen (Rotterdam) pe c'hoazh er Stedelijk Museum en Amsterdam.

Oberennoù brudetañ

• Knotted Chair (1996), Droog Design ha Cappellini
• V.I.P. Chair (2000), Moooi
• Kleuzeur Zeppelin diwar Taraxacum gant Achille Castiglioni, Flos
• Crochet Chair (2006), Droog Design