Organ

Un organ zo ur strollad gwiadoù frammet a-benn seveniñ ur roll resis.

organ

anatomical structure class type, class of anatomical entity

Iskevrennad eus	particular anatomical entity, anatomical structure
Rann eus	bevedeg, Benvegad
Dezverket dre	physiological functional capacity, seurt organ

 

 Eus Wikidata

Peurliesañ e kaver en un organ gwiadoù dezhañ e-unan (ar parenkin) ha gwiadoù all (ar stroma) a servij da sterniañ, leuniañ, boueta anezhañ. Ur benvegad, pe reizhiad, zo ur c'henlabour etre organoù 'zo a-benn seveniñ ur garg resis (ar benvegad koazhañ da skouer). Organoù a zo en holl vevedegoù biologel diorroet (loened ha plant).

Organoù ar plant

Rannet eo organoù ar plant e daou strollad : an organoù struzhek (gwrizioù, barroù, delioù) hag an organoù gouennañ (bleuñv, frouezh, had, aval-pin...).

Organoù al loened

Sed amañ ar benvegadoù pennañ el loened :

• benvegad kas ar gwad, pe gwazhiadurezh : benvegad ma red ar gwad drezañ (kalon, gwazhied, talmerennoù, gwad)
• benvegad koazhañ : gwagrennoù an halv, treizher, stomog, avu, kellenn vestl, ilgreiz, bouzelloù, kolon, youlc'h, fraezh
• benvegad enborc'hañ : eskemmoù e-barzh ar c'horf gant hormonoù krouet gant ar gwagrennoù enborc'hañ (skoedenn, ...)
• benvegad troazhañ : lounezhi, sanioù-troazh, c'hwezigell, kanioù-troazh
• benvegad korfwiskel : kroc'hen, blev, ivinoù
• benvegad limfek : treuzkas al limf etre ar gwiadoù hag ar gwad. Ennañ emañ ar reizhiad imunekaat
• reizhiad kigennel : kigennoù
• reizhiad nervel : dastum, kas ha dielfennañ ar c'hemennoù (empenn, mel-livenn, nervennoù)
• benvegad gouennañ : gant an ardivink-genel (vierez, gouhin, divgell, kalc'h...)
• benvegad analiñ : gargadenn, garloc'henn, briant, bronkez, skevent, kelc'hspeurenn
• ar skeledenn : dalc'h ar framm ha gwarez (eskern, migorn, stirennoù, stagelloù)