Sac'h

Ur sac'h zo un endalc'her hebleg.

Sac'h-beaj.

Sac'h-lastez ofisiel kêr Basel e Suis: ur sac'h plastik an hini eo.

Ur sac'h-dorn Burberry: arouez ar merk a weler warnañ.

Perzhioù

Skañvoc'h eo ar seier eget ar paneroù peurvuiañ, breskoc'h ivez, ha n'haller ket lakaat traoù ken ponner e-barzh.
Met a bep seurt seier zo, hervez an danvez anezho hag ar pezh a lakaer enno : seier paper zo da lakaat simant, ha 35 kg a ya e-barzh sac'hadoù simant ordinal.

Seurtoù

Sac'hadoù kafe. N'int ket seier-kafe.

• ar sac'h-beaj, skañvoc'h eget ar valizenn
• ar sac'h-binioù, pe binioù,
• ar sac'h-boued zo un anv roet d'ar stomog pe poull-kalon.
• sac'h-c'hwen, kunujennus taolet da loened zo, chas peurvuiañ
• ar sac'h-dorn, d'ar merc'hed da zougen o rikoù,
• ur sac'h-farz, d'ober farz kig ha farz e Leon
• ar sac'h jut, a servije da lakaat glaou, patatez
• ur sac'h-kafe, d'ober kafe, en oadvezh ragistorel ma ne oa ket a sil-kafe nag a baper-sil
• ar sac'h-kein
• ar sac'h-kousket
• Ur sac'h-lastez, e plastik peurvuiañ,
• ar sac'h-min, da reiñ boued d'ar c'hezeg
• ur sac'h-nouenn zo ennañ peadra ar beleg katolik da nouenniñ an dud war o zremenvan.
• ar sac'h paper, a bep ment, re vihan da lakaat frouezh er stalioù, re vras da lakaat glaou-koad, plastr, simant
• ar sac'h plastik, gwalenn ar bed.

hag ivez

• ar sac'hadig te
• ar sac'higell, sac'h bihan da lakaat traoù a bep seurt, kreionoù da skouer.

Kunujennoù ha mallozhioù

• ur sac'h-gwin zo ul lonker,
• ur sac'h-kaoc'h zo un den heugus ha flaerius
• Ma sac'h!
• sac'h an dienn!
• sac'h-an-diaoul, den noazus; kunujenn hag estlammadell