The Doom Generation

The Doom Generation a zo ur film bet sevenet gant Gregg Araki. Deuet eo er-maez e 1995 hag ennañ e c'hoari Rose McGowan, James Duval ha Johnathon Schaech. Eil lodenn un deiroberenn anvet the Teenage Apocalypse Trilogy eo. En e raok emañ Totally Fucked Up ha war e lerc'h Nowhere. Film kentañ Araki ma kont troioù-kaer arallreizhidi eo, sed perak e c'haller lenn "A Heterosexual Movie by Gregg Araki" e penn-kentañ ar film. Ouzhpenn an tri aktor pennañ e c'haller gwelout tud brudet evel Parker Posey, Heidi Fleiss, Christopher Knight, Margaret Cho, Perry Farrell, Amanda Bearse ha Nicky Katt er film. Stank eo implij ar sifr 666 er film.

The Doom Generation
Filmdata
Titl orin	The Doom Generation
Bro produiñ	Stadoù-Unanet  Frañs
Deuet er-maez	27 a viz Here 1995 er Stadoù-Unanet
Yezh orin	saozneg
Padelezh (PAL-DVD) :	85 munutenn
Skigner	Trimark Pictures
Korvoder gros	284 785 $[1]
Pare
Filmaozer	Gregg Araki
Produer	Gregg Araki Andrea Sperling
Skrivagner	Gregg Araki
Sonerezh	Dan Gatto
Aktourien
James Duval Rose McGowan Johnathon Schaech
Daneveller : Gregg Araki
Heuliad filmoù
En e raok	Totally Fucked Up
En e c'houde	Nowhere
Liammoù diavaez
Pajenn an "Internet Movie Database"
kemmañ

Istor

Daou grennard, Jordan White (Duval) hag Amy Blue (McGowan) a gej ouzh Xavier Red (Schaech) goude kuitaat un davarn. Chom a reont a-sav en ur stal ha dre zegouezh e lazh X perc'henn ar stal. Divizout a ra neuze an tri haroz mont da guzhat en ur motel. E-keit ha m'o deus Jordan hag Amy un darempred-korf er sal-dour e sell X ouzh ar c'heleier er skinwel ma tesk he deus gwreg perc'henn ar stal lazhet he bugel a-raok en em lazhañ. Beajiñ a ra an triad er Stadoù-Unanet, ha tostoc'h-tostañ en em sant an daou baotr. War o lerc'h e red a bep seurt tud : re' zo a lavar int mignoned da Amy re all a zroukvesk anezhi gant merc'hedall. E dibenn ar film ez eo taget an triad gant ur strollad yaouankizoù neveznazi.

Degemer

A bept seurt a voe pa zeuas The Doom Generation er-maez. Peurliesañ e voe keñveriet gant Natural Born Killers. E lec'hienn Rotten Tomatoes e tap ar film 50% a alioù mat^[2] Roger Ebert ne roas steredenn ebet d'ar film.^[3].