TotalEnergies

TotalEnergies SE, anvet Total betek ar bloaz 2021, zo ur gompagnunezh c'hall a ra war-dro klask, produiñ ha gwerzhañ hidrokarbidennoù ha mammennoù energiezh all dre ar bed : eoul-maen ha bevdreloskoù, gaz naturel ha strud, energiezhioù nevezadus ha tredan, hag all. Unan eus ar 6 kompagnunezh eoul-maen brasañ er bed eo.

Boueta ar vro gant strilheoul

Krouet e 1924, e karter aferioù La Défense e Pariz veur e Courbevoie emañ he sez abaoe ar bloavezhioù 1980. E 2019 e voe prenet ar gompagnunezh Direct Énergie ganti.

Tamalloù

Tamallet ez eus bet d'ar gompagnunezh ober gounidoù bras hep bezañ chalet gant politikerezh ar stadoù darempredet ganti (diktatourien Birmania da skouer) pe gant surentez an treuzdougen war vor.
Brudet eo e Breizh gant peñse an Erika e 1999, ha gant saotradur aber al Liger e miz Meurzh 2008.