Valdir Pereira

Valdir Pereira (pell anavezetoc'h evel Didi), bet ganet d'an 8 a viz Here 1928 e Campos dos Goytacazes (Rio de Janeiro (stad), Brazil) hag aet da Anaon d'an 12 a viz Mae 2001 e Rio de Janeiro (Brazil), a oa ur melldroader etrebroadel brazilian aet da c'hourdoner goude e amzer c'hoarier.

Valdir Pereira

Graet e veze Folha seca, Mr. Football ha Príncipe Etíope de Rancho anezhañ ivez.

Kib vell-droad ar bed

Kreizer e bost dezhañ war an dachenn, kemeret en devoa perzh Didi e tri dalc'h :

• Kib vell-droad ar bed 1954 bet aozet e Suis,
• Kib vell-droad ar bed 1958 bet aozet e Sveden ma oa aet ar maout gant skipailh broadel Brazil evit ar wech kentañ. Perzh e oa eus ar skipailh – Gilmar - Djalma Santos, Bellini, Nílton Santos, Zito - Orlando Peçanha, Garrincha - Didi, Vavá, Pelé, Mário Zagallo – a c'hounezas (5-2) ar gourfenn ouzh hini Sveden e Råsunda fotbollsstadion (Solna) d'an 29 a viz Mezheven 1958,
• Kib vell-droad ar bed 1962 bet aozet e Chile ma oa aet ar maout gant Brazil evit an eil gwech. Perzh e oa eus ar skipailh – Gilmar - Djalma Santos, Mauro, Zózimo, Nílton Santos - Zito, Didi - Garrincha, Vavá, Amarildo, Zagallo – a c'hounezas (3-1) ar gourfenn ouzh hini Tchekoslovakia en Estadio Nacional de Chile (Santiago de Chile) d'ar 17 a viz Mezheven 1962.