Колониализм

Колониализм гээшэ ямар нэгэ орон нютагые, улас орониие дайлан абаад, эдэй засагай ноёрхолой түлөө ондоо арад түмэниие, газар нютагые эзэмдэжэ мүлжэхэ уласай түрын бодолго юм.^[1] Колонизировалдаг улас орон колонизировалһан газар нютагһаа олзо гаргажа абамаар байна. Энэ үйлэ ябасада колонизаторнууд өөрынгөө шажан мүргэлые, эдэй засагай хэб маягые, технологиие дэлгэрүүлжэ һуулгаба. Тэрэнэй гадна, тус системые зүбтүүлхэ үзэл сурталые баһал колониализм гэнэ.

Василий Иванович Суриков, «Ермак Тимофеевич Сибириие эзэлжэ абана». Хоосто, тоhон шэрэ

Газар нютагай уг зониие бултые алажа, өөрынгөө гүрэнэй хүнүүдые һуулгаха ябадалнууд һуурижагша колониализм гэнэ.

Колониализм эртын грек, римэйхидэй, арабай үедэ байһаншье һаа, юрэнхыдөө колониализмын үе европынхид 1492 ондо Америкые нээһэнһээ дэлхэйн хоёрдугаар дайн хүрэтэр үнгэрөө һэн. Империализмын үзэл суртал ба практика хүгжэжэ колониализмын һуурида оробо.

Ленинэй ёһоор империалис улас гүрэнэй буляан абажа даралжа, мүлжэжэ байһан байдалынь капитализмын эгээн дээдэ сэг юм.