Брекчи

Брекчи (итал. breccia— кагдалар)^[1] — маьӀгаш йолу вовшахлетта кеггарех (1 см йолу) хилла ломан порода. Конгломератах къаьсташ брекчин йукъахь гоьрга кеггарш дац.

Базальтан эпидото вовшахлатийна кеггаршах хилла брекчи

Классификаци

Шен хӀоттамца брекчеш йекъало:

• Мономиктан брекчи — хилла цхьаьна породан кеггарех.
• Полимиктан брекчи — хилла масех тайп-тайпанчу породех.

Шайн кхоллайаларца брекчеш йекъало кхаа тобан:

1. ТӀапломах йаьлла брекчи

• лаван кеггарш тӀуьна лавано вовшахлетош
• охьа а оьхуш, хьаса болу лаван Ӏовраш кеглуш (лаван брекчи)
• туф а, кхин тӀапломах йевлла кеггаран материалаш гуллуш (туфобрекчи)
• тӀапломан областийн сацкъаран Ӏовраш гулйаларца диагенез йолуш (лахараш).

2. Охьайижна брекчи

• континентан хьолашкахь хуьлу басенийн делюви, охьайийшина Ӏовраш йа карстан есаллин тхьов чубожарх йисинарш (карстан брекчи) вовшахлеташ.
  • Ша билгалйолу даьӀахкан брекчи, иза кхоллало массашкахь букъа даьӀахкйолу дийнаташ йалаа йелла, дӀайоьхкинчу меттигашкахь.
• хӀордан хьолашкахь брекчи кхоллало бердашкара тархаш йа рифаш дохарца.

3. Тектоникан брекчи

• Йаайаларан брекчеш — кхоллало ломан породийн чкъоьраш йукъахь тектоникан леларш бахьнехь, иккхинчу меттигехь породаш кегйаларца. Даккхий кеггарш ишттачу брекчеш йукъахь йукъайоьду кегийрачу массана. Къасто хала хуьлу тектоникан а, охьайижина а брекчеш.

Хьажа кхин а

• Конгломерат (порода)
• Конкрецеш