Сардалова, Зулай Махмудовна
From Wikipedia, the free encyclopedia
Remove ads
Сардалова Зулай Махмудовна (1936 шеран 5 май, Соьлжа-ГӀала, Нохч-ГӀалгӀайн АССР, РСФСР, ССРС — 2005 шеран 15 ноябрь, Соьлжа-ГӀала, Нохчийн Республика, Росси) — гӀарйаьлла нохчийн хелхархо, «Вайнах» ансамблин солист, Нохч-ГӀалгӀайн АССР Халкъа артист, РСФСР Сийлахь артист йара.
Иза йина 1936 шеран 5-гӀа майхь. Цуьна да школан директор хиллера. Иза «халкъан мостагӀ» ву аьлла хӀаллаквинера Ӏедало. Цуьна нана шен кхаа бераца йисира. Нохчий цӀера бохуш Зулай бархӀ шо кхаьчча йара. Кхазакхстанехь Зулай а, цуьна доьзал а цхьана гӀаскхийн хуьсамо тӀелецира.
Вайн дериг а халкъо санна, цера хӀусамо дукха халонаш лайра: нана чӀогӀа цомгуш хилира, къело бахьнехь бераш берий цӀеношка дӀасадекъа дийзира, йуха а шайн гергарнаш лоьхуш цара дукха хан а, ницкъ байира.
1956 шарахь, хӀаллакйина «Вайнах» ансамбль меттахӀоттош хенахь, Казахстанехь кхайкхина бара харжам. Зулайс цигахь дакъа а лецна, «Вайнах» ансамбль йукъа йахара. 20 шарахь йара иза тобанан хьалхара хелхархо.
Цунна йелла йара сийлахь цӀераш:
- Нохч-ГӀалгӀайн АССР Халкъа артист;
- Осетин АССР Сийлахь артист;
- Кабардино-Балкарийн Сийлахь артист;
- РСФСР Сийлахь артист.
Иза кхелхина 2005 шеран 15-гӀа ноябрехь.
Цуьна цӀийнда вара нохчийн гӀарваьлла артист Шита Эдисултанов. Уьш цхьана 40 шарахь бехира. Цера кӀант висна.
Remove ads
Хьажоргаш
- На сцене — Зулай Сардалова Архивйина 2014-04-07 — Wayback Machine
- Гордость чеченской культуры Архивйина 2016-03-04 — Wayback Machine
Wikiwand - on
Seamless Wikipedia browsing. On steroids.
Remove ads