Power to the People
From Wikipedia, the free encyclopedia
Power to the People hè una canzona di John Lennon, publicata in single di marzu 1971.[1] Si tratta di una di i so primi canzoni puliticamenti ingaghjati, è una di i più virulenti. Fù cumposta mentri u mesi di ghjinnaghju pricidenti in seguitu à un'intarvista data à una rivista di estrema manca, Red Mole, mentri a quali Lennon hà dichjaratu ch'eddu ci vulia à dà "u puteri à u populu".
A canzona, arrighjistrata di frivaghju 1971 in i studios Ascot di a dimora di u musicanti hè cuncipita com'è un innu faciuli à ripiglià, chì mostra un Lennon mori più prontu à impignà si ch'è eddu ùn era statu in a canzona Revolution. Ci poni dinò i basamenti di u so impegnu feministu di pocu. 'Ssi presi di pusizioni sò eppuri statu rilativizati più dopu.
A canzona, publicata solu in single di marzu 1971, ghjunghji à a settima piazza di i charts in u Regnu Unitu, è l'undicesima in i Stati Uniti induv'edda diventa discu d'oru. A canzona apparisci pà a prima volta in album annantu à a cumpilazioni Shaved Fish in u 75, po annantu à parechji altri. Dà in particulari u so nomu à un album publicatu in u 2010, Power to the People : The Hits. Hè dinò stata ripresa da parechji artisti.