Arcipelagu
From Wikipedia, the free encyclopedia
Remove ads
Un arcipelagu (ò arcipelacu) hè un insemu d'isuli abbastanza prossimi l'uni da l'altri.[1] A prussimità si doppia par u più di un'urighjini giulogica cumuna, in generali vulcanica.
.jpg)
'Ssa nuzioni hè apradata in giugrafia par disignà un modu d'apprupriazioni negativi di u spaziu trà elementi isulati intrattinendu liami impurtanti è primurdiali.
Remove ads
Urighjini
U termini " arcipelagu " veni da u grecu bizantinu ἀρχιπέλαγος (archipelagos), littiralamenti " mari principali " [du verbu ἄρχω (árkhô) {essa u prima, cummandà} → prefissu ἀρχί- (arci-) {principali} è πέλαγος (pélagos) {l'altu mari}]. 'Ssa parola disignava à l'urighjina u mari Egeu, carattarizata da u so grandi numaru d'isuli (i Cicladi, i Spuradi, Salamina, Eubea, Samutracia, Lemnos, Samos, Lesbos, Chios, Rhodes, è cetara.). Quandu a maiò parti di 'ssi isuli funi tolti à l'Imperu bizantinu à l'iniziu di seculu XIII da Marcu Sanudo, generali venetu, quiddu quì fù fattu duca di l'Arcipelagu.
Remove ads
Giugrafia
In giugrafia, a nuzioni di " arcipelagu " rinvia à una cuncizzioni spicifica di u spaziu ussirvata in 'ssu tipu di locu, chì parmetti di custattà chì " un spaziu giugraficu ùn hè micca nicissariamenti cuntinuu "[2] : i liami intrattinuti da 'ssi isuli in reta di una certa manera " par sopra " u spaziu marinu chì i spicca, custituiscini un spaziu discuntinuu carattarizatu da a so cuesioni[2]. 'Ssa nuzioni hè stata stesa matafuricamenti à altri tipi di spazii giugrafichi. Par indittu, in u studiu di a ecunumia mondializata attuali, i giugrafi tali Petru Veltz parlani di una " ecunumia d'arcipelagu " : l'ecunumia mundiali hè cuntrullata à parta da un numaru ristrintu di metropuli beddi culligati trà eddi da ottimi mezi di cumunicazioni, i vii marittimi à i telecumunicazioni. Siont'è l'autori, 'ssi metropuli appariscini com'è un arcipelagu d'isuli isulatu annantu à un mari[2].
Remove ads
Drittu
In drittu internaziunali è in drittu di u mari, a nuzioni di Statu arcipelagu disigna un Statu custituitu intiriamenti da unu o parechji arcipelaghi è evintualamenti di altri isuli.
Listinu d'arcipelaghi
Ci voli à nutà quì chì certi arcipelaghi poni essa ragruppati. 'Ssu raggruppamentu hè dinò cunsidaratu com'è un arcipelagu. Par indittu, l'Antigli sò un arcipelagu di l'Uceanu Atlanticu, cumpostu par u più di i Grandi Antigli è di i Picculi Antigli, chì facini parti ancu eddi di l'arcipelagu. U siguenti tavuleddu ragruppa l'arcipelaghi incù unu numaru dicriscenti d'isuli, certi "duppiona" poni dunqua esista.
Remove ads
Noti
Wikiwand - on
Seamless Wikipedia browsing. On steroids.
Remove ads