Pinguicula corsica

Pinguicula corsica hè una pianta carnivora vivace di a famiglia di e Lentibulariaceae.^[1] E so casce ovale verde chjaru o ancu giallastre, appiccicose (cuperte à ghjandule mucilaginose ritinendu l'insetti) aghjunghjenu 5 à 10 cm è si spannanu in rusette da a fine di u veranu à u vaghjimu. A fiuritura succede da ghjugnu à sittembre : l'ampa fiurale ghjandulosa o tisgia porta un fiore incù una curolla abbastanza chjuca (10 - 12 mm) è un spronu cortu (4 - 5 mm), di culore varievule : giallastru, rosulatu, qualchì volta viulinu. Pinguicula corsica hè specifica in 'ssu sensu ch'ella ùn pussede ch'è 16 cromusomi quandu l'altre piante di listessa spezia ne contanu 32 o ancu 64.

Pinguicula corsica
Pinguicula corsica
Classificazione scentifica
Regnu	Plantae
Divisione	Magnoliophyta
Classa	Rosopsida
Ordine	Lamiales
Famiglia	Lentibulariaceae
Generu	Pinguicula
Nome binuminale
Pinguicula corsica Linnaeus, 1753

Lucalisazione

Populazione di Pinguicula corsica in fiore à u cantu di un turrente, in Evisa., maghju 2013

'Ssa spezia hè strittamente endemica di Corsica induv'ella si scontra di solitu in e zone umite assuliate (sponde di i turrenti, fonte, pozzi) trà 1100 è 2000 metri d'altitudine (da u pianu muntagnolu à quellu alpinu).