Еремеев Владимир Вениаминович

Влади́мир Вениами́нович Ереме́ев (авăн. 25 1963^[1], Куйбышев облаçĕ Похвиçнĕ районĕ Анатьял — пуш, 6 2018, Хмеймим, Сири) — раççей çарпуçĕ, генерал-майор, Раҫҫейӗн Хӳтӗлев министерствинче Тӗрӗслевпе надзор тӗп управленийӗн пуҫлӑхӗн ҫумӗ^[2].

Еремеев хушаматлă урăх çынсем çинчен Википедире статьясем пур.

Еремеев Владимир Вениаминович
Çуралнă вăхăт	1963, авăн, 25
Çуралнă вырăн	СССР Самар облаçĕ, Похвиçнĕ районĕ, Анатьял ялĕ
Вилнĕ вăхăт	2018, пуш, 6
Вилнĕ вырăн	Хмеймим Сири
Пăхăнулăх	ССРП ССРП Раҫҫей Федерацийӗ Раҫҫей Федерацийӗ
Çар ăрачĕ	тинĕс пехоти→ Типçĕр çарĕсем
Хĕсмет çулĕсем	1981—2018
Хисеп	генерал-майор
Чаç	Раҫҫейӗн Хӳтӗлев министерствинче Тӗрӗслевпе надзор тӗп управленийӗн пуҫлӑхӗн ҫумӗ
Командăланă	27-мĕш уйрăм гварди мотоперевçĕсен бригади
Чыславсем тата парнесем	Шаблон:«Тӑван ҫӗршыв умӗнчи тава тивӗҫлӗх» орденĕн 2 степеньлĕ медалĕ Шаблон:«Раҫҫей флочӗ 300 ҫулта» юбилей медалӗ Шаблон:Медаль За отличие в воинской службе 1 степени Шаблон:Медаль За отличие в воинской службе 2 степени «СССР Хĕçпăшаллă Вăйĕсем 70 çулта» юбилей медалĕ Шаблон:Медаль За отличие в военной службе (Минобороны) 1 степени Шаблон:Медаль За отличие в военной службе (Минобороны) 2 степени Шаблон:Медаль Участнику военной операции в Сирии

Кун-çулĕ

Унӑн амӑшӗ колхозра ӗҫленӗ, ашшӗ водитель пулнӑ.

1979-мĕш çулта Анатьял шкулĕнче 8 класс пĕтерсен Свердловскри суворов çар училищине вĕренме кĕнĕ. Унтан Челепири танк училищинче вӗреннӗ. Малтан Чехословакире хӗсметре тӑнӑ, кайран — Калининградра. Калининградра Владимир Еремеев полк командирӗ пулнӑ, кайран — Балти флотӗнчи ҫыран хӗрри ҫарӗсен штаб пуҫлӑхӗ ^[3].

2012-2014-мĕш çулсенче 27-мĕш уйрăм гварди мотоперевçĕсен Хĕрлĕ Ялавлă Севастополь бригадине ертсе пынă. 2016-меш çулта Раççей Федерацин Хĕçпăшалла Вăйĕсен Генераллă штабĕн çар академинчен веренсе тухнă^[4].

Вилни

Владимир Вениаминович Еремеев генерал-майор 2018-мĕш çулхи пушăн 6-мĕшĕнче Сирире командировкăра пулнă вăхăтра Ан-26 самолётăн катастрофинче вилнĕ^[5].
Генерал-майора Мускав облаҫӗнчи Мытищи хулинчи Федерацин ҫар мемориалӗн ҫӑвине пытарнӑ.^[6]. Унта «Сыны отечества» (чӑв. Тӑван ҫӗршыв ывӑлӗсем) юлташлӑхӑн Мускаври организацийӗн пайташӗсем, пурӗ 16 ҫын, хутшӑннӑ.