Саплăк (ял)

Саплăк (çавăн пекех Элешке Саплăк, хушăран Чăваш Саплăк тени те пулма пултарать, выр. Алешкин Саплык)— Тутарстанăн Çĕпрел районĕнчи чăваш ялĕ. Саплăк ял тăрăхĕн центрĕ. Юнашарах вырнаçнă Тутар Саплăк ялĕнче те, тĕпрен илсен (83%), чăвашсемех пурнаççĕ. Çапла вара кулленхи калаçура "Саплăк" тени чылай чухне икĕ ялне те пĕр харăсах пĕлтерет.

Ку терминӑн урӑх пӗлтерӗшсем пур, Саплăк (пĕлтерĕшсем) пӑхӑр.

Ял Саплăк Саплăк Ялав Герб Патшалăх РаççейРаççей Федераци субъекчĕ ТутарстанТутарстан Муниципаллă район Çĕпрел Ял тăрăхĕ Саплăк Координатсем 54°45′00″ с. ш. 47°40′00″ в. д.HGЯO{{#coordinates:}}: нельзя иметь более одной первичной метки на странице Шалти пайлану урамсем Пуçлăх Храмов Алексей Васильевич Пурăнан вырăн  Ял Наци йышĕ чăвашсем Конфесси йышĕ православилле христиансем Этнохороним саплăксем Вăхăт тăрăхĕ UTC+4 Телефон кочĕ +7 84375 Почтă индексĕ 422478 Автомобиль кочĕ 16, 116, 716 ОКАТО кочĕ

Тавралăхĕ

Чăнлă хĕрринче, унăн сылтăм çыранĕнче, вырнаçнă. Юнашарах Çĕрпӳ — Сызрань автоçул иртет.

Ял тытăмĕ, халăх йышĕ

Ялта Калинин М.И. ячĕллĕ АКХ правленийĕ, шкул, фельдшер пункчĕ, клуб, ял вулавăшĕ, почта, ача-пăча сачĕ, комбикорм цехĕ пур. Саплăк Кивĕ Çĕпрелтен 8 çухрăмра, Хусантан 260 çухрăмра вырнаçнă. Яла газпа водопровод кĕртнĕ.

Халăх шучĕ
1859	1911	1920	1926	1938	1949	1958	1970	1979	1989	2002	2010
319	711	766	700	862	878	830	1031	878	597	564	497

Кунçул

Яла Элекçей Саплăкĕ никĕсленĕ теççĕ; 1664-мĕш çулхи документсенче ялти çынсен ячĕсене асăннă, вĕсем хушшинче Алешка Бейбулатов^{[çăлкуç ăçтан?]}. XX-мĕш ĕмĕр пуçламăшĕнче ялта вулăс кантурĕ, чиркӳ, çил арманĕсем, кĕрпе арманĕ пулнă.

1903-мĕш çулта чиркӳ шкулĕ уçăлнă. Унта пĕрремĕш вĕрĕнтекен - Василий Степанович Дементьев, СССР авиаци промăçлăхĕ минитстрĕн Дементьев Пётр Васильевичăн ашшĕ пулнă.

Кăсăклă фактсем

• Маларах асăннă Дементьев Пётр Васильевич (1907-1977) Саплăк ялĕнче çуралса ÿснĕ, кунтах малтанхи хут шкула кайнă; унăн ашшĕ-амăшĕ те Саплăкрах пурăннă; пит паллах мар сăлтавсене пула çеç П.В.Дементьев урăх ялта, çак районти Упире, çуралнă пек курăнать^[1][2][3].

Паллă çынсем тата ытти харкамлăхсем

• Палинов Валентин Михайлович (1936-2004) — Шупашкарта "Пионер сасси", "Коммунизм ялавĕ" хаçатсенче, "Капкăн" журналта ĕçленĕ журналист, çыравçă.
• Клементьев Иван Федорович (1947-2009) — журналист, «Хыпар» (маларах — "Коммунизм ялавĕ") хаçатра ĕçленĕ^[4].
• Алексеев П.А. - ЧАССР тава тивĕçлĕ артисчĕ.
• Филиппов Г.И. - полковник
• Шадриков Александр Валерьевич (01.01.1977 çур.) — Çĕпрел районĕн пуçлăхĕ (2013-2018)^[5], Тутарстанăн экологи министрĕ (2018-)^[6].
• Клементьев Петр Андреевич (27.01.1955 çур.) - Пуканесен театрĕн артисчĕ (Шупашкар хули), Чăваш республикин тава тивĕçлĕ артисчĕ (1987), Чăваш республикин халăх артисчĕ (2005)^[7].