Aberogwr

Pentref glan-môr yng nghymuned Saint-y-brid, Bro Morgannwg, Cymru, yw Aberogwr^[1] (Saesneg: Ogmore-by-Sea).^[2] Gorwedd tua 3 milltir i'r de o dref Pen-y-bont ar Ogwr ger aber Afon Ogwr ym Môr Hafren.

Aberogwr

Math	pentref
Poblogaeth	878
Daearyddiaeth
Sir	Bro Morgannwg
Gwlad	Cymru
Cyfesurynnau	51.464°N 3.635°W
Gwleidyddiaeth
AS/au Cymru	Jane Hutt (Llafur)
AS/au y DU	Kanishka Narayan (Llafur)
Ffeiliau perthnasol ar Comin

Cynrychiolir yr ardal hon yn Senedd Cymru gan Jane Hutt (Llafur)^[3] ac yn Senedd y DU gan Kanishka Narayan (Llafur).^[4]

Yr arfordir

Mae'r traeth, sy'n dywodlyd pan fo'r llanw allan, yn cynnig golygfa dros Graig y Sger allan yn y môr ac i arfordir Dyfnaint a Gwlad yr Haf ar dywydd braf. Ar ochr arall yr aber gellir gweld tywynod Merthyr Mawr. Mae'r arfordir creigiog yn atynnu dringwyr a cheir nifer o ffosilau yn y graig.

Bu'r arfordir hwn yn ddrwgenwog am longdrylliadau yn y gorffennol. Aeth nifer o longau i ddinistr ar Graig y Sger, crib isel o gerrig ysgythrog a orchuddir gan y môr pan fo'r llanw i mewn. Ar un adeg bu Aberogwr yn un o'r llefydd yng Nghymru lle arferai rhai o'r trigolion gamarwain llongau trwy chwifio llusernau a'u harwain felly i longdryllio ar y cregiau er mwyn eu hysbeilio.

Traeth Aberogwr, uwchben y tywod

Golygfa ar draws y traeth