Carson McCullers

Nofelydd, dramodydd ac awdures straeon byrion o'r Unol Daleithiau oedd Carson McCullers (Lula Carson Smith) (19 Chwefror, 1917 – 29 Medi, 1967).

Carson McCullers
Ganwyd	19 Chwefror 1917  Columbus
Bu farw	29 Medi 1967  o canser y fron  Nyack
Dinasyddiaeth	Unol Daleithiau America
Alma mater	Prifysgol Columbia Prifysgol Efrog Newydd Columbus High School
Galwedigaeth	bardd, nofelydd, dramodydd, ysgrifennwr, sgriptiwr, rhyddieithwr
Adnabyddus am	The Heart Is a Lonely Hunter, The Member of the Wedding
Mam	Marguerite Waters Smith
Gwobr/au	Cymrodoriaeth Guggenheim, Gorchest Merched Georgia, Cymrodoriaeth Guggenheim
Gwefan	http://carson-mccullers.com
llofnod

Cafodd ei geni yn Columbus, Georgia. Priododd Reeves McCullers ym 1937, a wnaethont ysgaru a phriodi eto. Roedd Carson a Reeves yn ddeurywiol.^[1] Roedd y ddau ohonynt hefyd yn ysmygu ac yn yfed alcohol yn drwm. Lladdodd Reeves ei hunan ym 1953. Ar ôl bywyd o iechyd gwael, bu farw Carson McCullers o strôc ym 1967.

Gelwir ei harddull yn aml yn Gothig De'r Unol Daleithiau. Roedd ei gwaith yn enwog am bortreadu trefi unig ac adfeiliedig, ac ymddieithriad cymdeithasol a rhywiol eu trigolion.^[1] Yn ôl Michiko Kakutani, beirniad llenyddol The New York Times, prif thema ei ffuglen yw "unigrwydd unigolion ynysedig a'u hawydd llafurus am berthynas".^[2] Galwodd Gore Vidal waith McCullers yn "un o'r ychydig o lwyddiannau digonol ein diwylliant eilradd".^[3]

Llyfryddiaeth

Nofelau

• The Heart Is a Lonely Hunter (1940)
• Reflections in a Golden Eye (1941)
• The Member of the Wedding (1946)
• Clock Without Hands (1961)

Arall

• The Ballad of the Sad Cafe (1951) (straeon byrion)
• The Square Root of Wonderful (1958) (drama)
• Sweet as a Pickle and Clean as a Pig (1964) (barddoniaeth)
• The Mortgaged Heart (1972)
• Illumination and Night Glare (1999)