Creadaeth

Am yr athrawiaeth sydd yn ffurf ar gynfodolaeth, gweler creadaeth yr enaid.

Damcaniaeth neu athrawiaeth Gristnogol yw creadaeth sydd yn honni i'r cyfanfyd materol a'r holl fywyd ynddo gael ei greu gan Dduw. Mae'n dal taw y creu yn ôl Genesis yw hanes llythrennol dechreuad y bydysawd, a chreadigaeth ddwyfol ydy pob rhywogaeth a'r rheiny wedi eu dylunio gan y deallusrwydd uchaf.

Mae'r ddadl rhwng creadaeth a gwyddoniaeth yn bwnc llosg, yn enwedig yn Unol Daleithiau America. Yno, mae nifer o greadyddion yn galw'r athrawiaeth yn "wyddor creadaeth" neu'n "greadaeth wyddonol", gan haeru ei fod yn damcaniaeth wyddonol sydd yn wrthbrofi damcaniaeth y Glec Fawr ac esblygiad. Ystyrir hyn yn ffugwyddoniaeth gan wyddonwyr.^[1]