Gwernen ap Clyddno

Un o Feirdd y Tywysogion oedd Gwernen ap Clyddno (fl. 12g neu'r 13g).^[1]

Gwernen ap Clyddno
Ganwyd	Cymru
Dinasyddiaeth	Cymru
Galwedigaeth	bardd
Blodeuodd	13 g
Cysylltir gyda	Llawysgrif Hendregadredd

Cefndir

Gwernen yw'r lleiaf adnabyddus o'r Gogynfeirdd. Ni wyddys dim o gwbl amdano. Does dim cyfeiriad at neb arall o'r enw yn achau'r cyfnod. Mae'r enw personol Gwernen ei hun yn anghyffredin iawn; ceir enghraifft ohono yn Llyfr Llandaf (yn y ffurf Gwerngen).^[1]

Cerddi

Dim ond dri Englyn Unodl Union o waith Gwernen sydd wedi goroesi, sy'n rhan o gadwyn hirach sydd bellach ar goll. Cedwir y testun yn Llawysgrif Hendregadredd a chwech llawysgrif diweddarach. Tynged dyn yw testun y gerdd, sy'n sôn am ryfelwr dienw na ddaeth yn ôl o gyrch rhyfel.^[1]

Llyfryddiaeth

• "Gwaith Gwernen ap Clyddno", gol. N. G. Costigan (Bosco), yn Gwaith Dafydd Benfras ac eraill o feirdd hanner cyntaf y drydedd ganrif ar ddeg, gol. N. G. Costigan et al., Cyfres Beirdd y Tywysogion 6 (Caerdydd: Gwasg Prifysgol Cymru, 1995)