Haf Llewelyn

Awdures ac athrawes ymgynghorol yw Haf Llewelyn (ganwyd 17 Mehefin 1964) sydd wedi ysgrifennu llyfrau ar gyfer plant ac oedolion.^[1]

Haf Llewelyn
Ganwyd	17 Mehefin 1964  Cwm Nantcol
Dinasyddiaeth	Cymru
Galwedigaeth	ysgrifennwr, athro
Gwobr/au	Gwobr Tir na n-Og

Bywgraffiad

Ganwyd a magwyd Haf yng Nghwm Nantcol, Ardudwy, ond erbyn hyn mae hi'n byw yn Llanuwchllyn, ger y Bala. Derbyniodd ei haddysg yn Ysgol Gynradd Llanbedr ac Ysgol Uwchradd Ardudwy, Harlech ^[1]

Bu'n gweithio fel athrawes gynradd, yn ogystal â gweithio ar brosiectau Sgwad 'Sgwennu. Enillodd wobr Tir na n-Og y Cyngor Llyfrau am ei nofel Diffodd y Sêr am hanes Hedd Wyn. Bu'n cymryd rhan mewn nifer o dalyrnau a stompiau dros y blynyddoedd (fel aelod o dîm Talwrn Penllyn) a chyhoeddodd ei chyfrol gyntaf o farddoniaeth – Llwybrau, yn 2009. Cyhoeddodd ei nofel gyntaf i oedolion, Y Graig, yn 2010, a chyhoeddodd ei hail, Mab y Cychwr yn 2012.

Anrhydeddau

• 2013 - Gwobr Tir na n-Og am Diffodd y Sêr

Cyhoeddiadau detholedig

• O! Mae Mam yn Flin (Gwasg Gwynedd, 1991)
• Abi-Clec (Gwasg Carreg Gwalch, 2002)
• Stwffia dy ffon hoci! (Gwasg Gwynedd, 2006)
• Llwybrau (Cyhoeddiadau Barddas, 2009)
• Y Graig (Y Lolfa, 2010)
• Llond Drôr o Ddeinosoriaid (Cyhoeddiadau Barddas, 2011)
• Mab y Cychwr (Y Lolfa, 2012)
• Hei Now!, Now! (Gwasg Gomer, 2012)
• Diffodd y Sêr (Y Lolfa, 2013)
• Y Traeth (Y Lolfa, 2016)
• Pwyth (Y Lolfa, 2019)
• Gwenwyn a Gwasgod Felen (Gwasg Carreg Gwalch, 2020)
• Ga' i Fyw Adra? (Gwasg Carreg Gwalch, 2022)
• Dros y Môr a'r Mynyddoedd: Straeon Merched Dewr y Celtiaid (Gwasg Carreg Gwalch, 2023)
• Salem (Y Lolfa, 2023)