Idwal Robling

Pêl-droediwr amatur a sylwebydd chwaraeon o Gymro oedd Idwal Robling (1927 - 9 Mehefin, 2011) a fu'n gweithio i'r BBC am dros 40 mlynedd yn sylwebu ar bêl-droed, rygbi'r gynghrair, pêl fas, a phaffio.^[1]

Idwal Robling
Ganwyd	1927  Ynys-hir
Bu farw	9 Mehefin 2011  Casnewydd
Dinasyddiaeth	Cymru
Alma mater	Prifysgol Loughborough
Galwedigaeth	pêl-droediwr, cyflwynydd chwaraeon
Cyflogwr	BBC
Chwaraeon

Dechreuodd ei yrfa gyda BBC Cymru yn y 1960au ac fe enillodd cystadleuaeth i fod yn rhan o'r tîm sylwebu ar gyfer Cwpan y Byd Pêl-droed 1970 gan guro Ian St John yn y rownd derfynol. Chwaraeodd Robling i dîm pêl-droed Olympaidd Prydain Fawr yng Ngemau Olympaidd 1952 yn Helsinki. Roedd hefyd yn gapten ar dîm pêl-droed amatur Cymru, a chwaraeodd i Lovell’s Athletic F.C. yng Nghasnewydd.^[2]

Yn y 1970au a'r 1980au roedd yn gyflwynydd rhaglenni fel Sports Line UP a Sportfolio, ac yn fwy diweddar roedd yn aelod o dîm cynhyrchu Scrum V ac Y Clwb Rygbi.^[1]

Bu ei ŵyr, Lewis Robling, yn chwarae rygbi i Ddreigiau Casnewydd Gwent.^[1]