La Paz

Prifddinas weinyddol Bolifia yn Ne America yw La Paz (sy'n golygu: Yr Heddwch), neu yn llawn Nuestra Señora de La Paz, Chuqi Yapu (Aymara: Chuqi Yapu). Mae hefyd yn brifddinas Talaith La Paz. Yn 2001 roedd poblogaeth y ddinas yn 789,585, a phoblogaeth yr ardal ddinesig, sy'n cynnwys dinasoedd El Alto a Viacha, dros 1.6 miliwn. Sefydlwyd y ddinas yn 1548 gan y conquistadores Sbaenig dan Alonso de Mendoza, ar safle sefydliad brodorol, Laja. Symudwyd y ddinas i'w lleoliad presennol yn nyffryn Chuquiago Marka yn ddiweddarach. Saif yng ngorllewin y wlad, yn yr Andes, 3,600 medr uwch lefel y môr. La Paz yw'r brifddinas genedlaethol uchaf yn y byd, ac yma y ceir cwrs golff a stadiwm pêldroed uchaf y byd, ymhlith pethau eraill.

La Paz

Math	dinas fawr, sedd y llywodraeth, metropolis
Enwyd ar ôl	Battle of Ayacucho, Ein Harglwyddes, Brenhines Tangnefedd
Poblogaeth	755,732
Sefydlwyd	20 Hydref 1548
Pennaeth llywodraeth	Iván Arias
Cylchfa amser	UTC−04:00
Gefeilldref/i	Caracas, Mérida, São Paulo, Arica, Calama, Hannover, Zagreb, Washington, Bonn, Moscfa, Dalian, Bolzano, Ensenada, Denver, Cuzco, Coro, Vaduz, Taipei, Zaragoza, Madrid, Puno, Dinas Mecsico, Santiago de Chile, Rio de Janeiro, Santo Domingo, Arequipa, Armenia, Asunción, Bogotá, Canelones, Buenos Aires, Bwrdeistref Stockholm, Iquique, La Habana, Llundain, Montevideo, Moquegua, Dinas Efrog Newydd, Quito, Quetzaltenango
Iaith/Ieithoedd   swyddogol	Sbaeneg, Aymara, Quechua, Guaraní
Daearyddiaeth
Rhan o'r canlynol	Merco Cities Network
Sir	La Paz Department
Gwlad	Bolifia
Arwynebedd	472 km²
Uwch y môr	3,640 metr
Cyfesurynnau	16.4958°S 68.1333°W
Cod post	0201–0220
Pennaeth y Llywodraeth	Iván Arias
Sefydlwydwyd gan	Alonso de Mendoza
Ffeiliau perthnasol ar Comin

Adeiladau a chofadeiladau

• Eglwys gadeiriol
• Eglwys San Francisco
• Museo Costumbrista (amgueddfa)
• Museo Nacional de Arte (amgueddfa)
• Palas yr Arlywydd
• Tŷ Pedro Domingo Murillo

Enwogion

• Agustín Morales (1808-1872), milwr a gwleidydd
• Felipe S. Guzmán (1879-1932), gwleidydd