Llanbadarn Fynydd

Pentref bychan gwledig a chymuned yng nghanolbarth Powys, Cymru, yw Llanbadarn Fynydd.^[1] Saif ar briffordd yr A483 yn y bryniau tua hanner ffordd rhwng Y Drenewydd i'r gogledd a Llandrindod i'r de.

Llanbadarn Fynydd

Math	pentref, cymuned
Enwyd ar ôl	Padarn
Poblogaeth	306, 286, 323
Daearyddiaeth
Sir	Powys
Gwlad	Cymru
Arwynebedd	6,010.67 ha
Cyfesurynnau	52.4°N 3.3°W
Cod SYG	W04000287
Gwleidyddiaeth
AS/au Cymru	James Evans (Ceidwadwyr)
AS/au y DU	David Chadwick (Democratiaid Rhyddfrydol)
Ffeiliau perthnasol ar Comin

Gweler hefyd Llanbadarn (gwahaniaethu).

Mae'r pentref ar lan Afon Ieithon. Mae'r bryniau o'i gwmpas yn cynnwys Moel Wilym (469m) a'r Moelfre (475m) i'r dwyrain a'r Ddyle (485m) i'r gorllewin. Y pentrefi agosaf yw Llananno a Llanbister i'r de.

Mae eglwys y plwyf, sy'n rhoi ei henw i'r pentref, yn un o nifer yng Nghymru a gysylltir â Sant Padarn. Yno ceir gweld enghreifft dda o ysgrîn bren ganoloesol a chroglofft mewn arddull sy'n nodweddiadol o'r Canolbarth a'r Gororau.

Ceir castell mwnt a beili Normanaidd a elwir Castell y Blaidd yn y plwyf.

Cynrychiolir yr ardal hon yn Senedd Cymru gan James Evans (Ceidwadwyr)^[2] ac yn Senedd y DU gan David Chadwick (Democratiaid Rhyddfrydol).^[3]

Cyfrifiad 2011

Yng nghyfrifiad 2011 roedd y sefyllfa fel a ganlyn:^[4][5][6]

Cyfrifiad 2011
Poblogaeth cymuned Llanbadarn Fynydd (pob oed) (306)			100%
Y nifer dros 3 oed sy'n siarad Cymraeg (Llanbadarn Fynydd) (26)			8.8%
:Y ganran drwy Gymru			19%
Y nifer sydd wedi'u geni yng Nghymru (Llanbadarn Fynydd) (158)			51.6%
:Y ganran drwy Gymru			73%
Y nifer dros 16 sydd mewn gwaith (Llanbadarn Fynydd) (28)			24.3%
:Y ganran drwy Gymru			5%