Offeryn chwyth

Offeryn cerdd lle mae cerddor yn defnyddio ei anadl i achosi i golofn aer ddirgrynu yw offeryn chwyth. Yn ôl dosbarthiad Hornbostel–Sachs, mae offerynnau chwyth yn perthyn i'r aeroffonau. Beth bynnag, fel arfer mae'r offerynnau chwyth yn eithrio aeroffonau sydd â chwythwr mecanyddol (fel organ neu acordion) neu sydd â chod aer (fel pibgod). Yn lle hynny, mae'r chwaraewr yn chwythu trwy ddarn ceg i mewn i diwb. Mae'r darn ceg ar y cyd â gwefusau'r chwaraewr yn creu ansawdd nodweddiadol yr offeryn; mae hyd y tiwb yn rheoli traw'r sain.

Offeryn chwyth

Enghraifft o:	dosbarth o offerynnau cerdd
Math	aeroffon
Rhan o	Dosbarthiad MIMO o offerynnau cerdd, Dosbarthiad Guizzi o offerynnau cerdd, Hornbostel–Sachs
Yn cynnwys	offeryn pres, offeryn chwythbren
Dynodwyr
Freebase	/M/0859_
Ffeiliau perthnasol ar Gomin Wicimedia

Grwpiwyd yr offerynnau chwyth yn ddau brif deulu:

• offerynnau chwythbren, lle cynhyrchir y sain gan ddirgryniad corsen (e.e. clarinét) neu gan chwythu ar draws ymyl (e.e. ffliwt)
• offerynnau pres, lle cynhyrchir y sain gan ddirgyrniad gwefusau'r chwaraewr yn erbyn darn ceg

Llyfryddiaeth

• Anthony Baines, Musical Instruments Through the Ages (Harmondsworth: Pelican, 1961)