Polyhedron

Mewn geometreg, mae polyhedron (enw gwrywaidd; lluosog: polyhedronau) yn solid tri dimensiwn gydag arwynebau fflat, polygonal, ymylon syth a chorneli (neu 'fertigau') miniog. Daw'r gair polyhedron o'r Groeg Clasurol πολύεδρον, sef poly- (gwreiddyn: πολύς, "llawer") + -hedron (ffurf ἕδρα, "sylfaen" neu "sedd").

Enghreifftiau o wahanol bolyhedra

Tetrahedron rheolaidd	Dodecahedron serog, bach
Icosidodecahedron	Cubicuboctahedron mawr
Triacontahedron rhombig	Polyhedron toroidaidd

Mae ciwbiau a pyramidiau'n enghreifftiau o bolyhedronau amgrwn.

Diffiniad

Mae'r diffiniad o bolyhedron yn gwahaniaethu o gyd-destun i gyd-destun.^[1] Nid oes un diffiniad perffaith sy'n ffitio'r gwahanol fathau ee y polyhydronau serog a'r polyhydronau sy'n hunan-groesi.

Y nifer o arwynebau

Gellir dosbarthu polyhedronau yn aml yn ôl nifer yr arwynebau sydd ganddynt. Mae'r system enwi yn seiliedig ar Roeg Clasurol, er enghraifft: tetrahedron (4), pentahedron (5), hecsahedron (6), triacontahedron (30) ac yn y blaen.