Queer as Folk
From Wikipedia, the free encyclopedia
Remove ads
Cyfres deledu Brydeinig ym 1999 oedd Queer as Folk yn olrhain hanes bywydau tri dyn hoyw sy'n byw o amgylch pentref hoyw Canal Street ym Manceinion. Ysgrifennwyd Queer as Folk a Queer as Folk 2 gan Russell T. Davies. Ef hefyd oedd yn gyfrifol am ysgrifennu'r ddrama Bob and Rose ac am ad-fywiad Doctor Who ar y BBC yn 2005. Cafodd y gyfres ei ail-darlledu rhwng 14eg a'r 18fed o Hydref 2007 fel rhan o ddathliadau penblwydd Sianel 4 yn 25 oed.
Cynhyrchwyd Queer as Folk gan y cwmni teledu annibynnol Red Production Company ar gyfer Sianel 4, cwmni a oedd wedi dangos eu parodrwydd i ddelio a deunydd hoyw mewn ffilmiau fel Beautiful Thing. Daw teitl y gyfres o ymadrodd ieithyddol o Ogledd Lloegr "There's nought so queer as folk" sy'n golygu "does dim mor rhyfedd a phobol." Bwriad gwreiddiol Davies oedd i ddefnyddio hyn fel enw'r gyfres ond awgrymodd Sianel 4 y dylid byrhau'r enw i Queer as Folk.
Cafodd y gerddoriaeth agoriadol a'r gerddoriaeth a oedd yn cyd-fynd â'r gyfres ei ysgrifennu'n arbennig ar gyfer y gyfres gan Murray Gold.
Remove ads
Cymeriadau a'r plot
Dywed cynhyrchwyr y gyfres fod Queer as Folk, er yn arwynebol, yn ddarlun realistig o fywyd hoyw dinesig yn ystod y 1990au. Y prif gymeriadau yw Stuart Alan Jones (Aidan Gillen), sy'n cael nifer o bartneriaid rhywiol; ei ffrind hir-dymor Vince Tyler (Craig Kelly), sydd yn ffansio Staurt ond caiff llawer llai o lwyddiant gyda dynion; a Nathan Maloney (Charlie Hunnam), bachgen 15 oed sy'n newydd i'r gymuned hoyw ond sydd a digonedd o hunan hyder serch hynny.
Darlunir Stuart, rheolwr hysbysebu yn Neuadd Bridgewater fel cymeriad sydd a phŵer naturiol, a'r gallu i wneud beth bynnag y mynno. Prif nodwedd ei gymeriad yw ei fod yn gwneud yr hyn a fynno, pryd bynnag a fynno a sut bynnag a fynno. Ffrwydra gar ffrind ei fam cwerylgar, gwahodda ferch sy'n ffansio Vince i'w barti penblwydd ac yna cyflwyna gariad gwrywaidd Vince iddi, er mwyn gwneud i Vince ei gasau.
Rhoddir dyfnder i rhai o'r is-gymeriadau hefyd, megis Hazel ac Alexander. Gellir priodoli peth o lwyddiant y gyfres i'r modd y gadawodd yr ysgrifennwr rhai pethau allan, gan adael i'r stori ddatblygu o amgylch y cymeriadau.
Yn yr ail gyfres, daeth naws y rhaglenni yn fwy difrifol, gyda rhai o'r prif gymeriadau'n gorfod gwneud penderfyniadau anodd am eu dyfodol
Remove ads
Lleoliad a chynhyrchu
Lleolwyd y gyfres o amgylch pentref hoyw Manceinion, Lloegr. Ffilmiwyd y golygfeydd o glwb nos "Babylon" yn y clwb "Cruz 101". Ar gyfer ffilmio, symudwyd arwyddion a goleuadau arferol y clwb ac ychwanegwyd blwch ffonio. Pan orffenwyd ffilmio, symudwyd y cisog a dychwelwyd yr enw Cruz 101 ar y clwb. Newidiwyd y tu mewn i rai o'r tafarnai hoyw ar Canal Street hefyd.
Cast Queer as Folk
- Craig Kelly fel Vince Tyler
- Jason Merrells fel Phil Delaney
- Aidan Gillen fel Stuart Alan Jones
- Charlie Hunnam fel Nathan Maloney
- Andy Devine fel Bernard Thomas
- Denise Black fel Hazel Tyler
- Saira Todd fel Lisa Levene
- Esther Hall fel Romey Sullivan
- Juley McCann fel Siobhan Potter
- Alfred Robinson/Olivia K.Critchley fel y Babi Alfred
- Carla Henry fel Donna Clark
- Ben Maguire fel Christian Hobbs
- Alison Burrows fel Sandra Docherty
- Susan Cookson fel Marcie Finch
- Caroline Pegg fel Rosalie Cotter
- Caroline O'Neill fel Janice Maloney
- Jane Cawdon fel Helen Maloney
- Antony Cotton fel Alexander Perry
- Peter O'Brien fel Cameron Roberts
- Jonathon Natynczyk fel Dazz Collinson
- Maria Doyle Kennedy fel Marie Jones Threepwood
- John Brobbey fel Lance Amponah
- Ger Ryan fel Margaret Jones
- Ian McElhinney fel Clive Jones
- Paul Copley fel Roy Maloney
- Adam Zane fel Dane McAteer
- Kate Fitzgerald fel Mrs Delaney
- Sarah Jones fel Suzie Smith
- Michael Culkin fel Martin Brooks
- Andrew Lancel fel Harvey Black
- Jack Deam fel Gareth Critchly
- Paul Oldham fel "Spike" O’Hagan
- Steve Ramsden fel Colin Goodfuk
- David Prosho fel y Dyn Cyhyrog
- Paul Simpson fel Michael
- Lee Warburton fel Piero McCarthy
- Jim Shepley fel Jonathan Walker
- Adam Heywood Fogerty fel Roger Clements
- Toshi Dokiya fel Lee "Kane"
- Michael Atkinson fel Mr Latham
- Elizabeth Steele fel cymydog Stuart
- Robert Ashcroft fel Gary McGee
- David Williamson fel Bob Green
- Roxy Hart fel cynhaliwr y Karaoke
- Andrew Mawdsley fel Tom Threepwood
- Stuart Mawdsley fel Ben Threepwood
- Alan Halsall fel Midge
- Samantha Cunningham fel Cathy Mott
Ymateb i'r gyfres
Because I'm queer. I'm gay. I'm homosexual. I'm a poof, I'm a poofter, I'm a ponce. I'm a bumboy, battyboy, backside artist, bugger, I'm bent. I am that arsebandit. I lift those shirts. I'm a faggot-ass, fudge-packing, shit-stabbing uphill gardener. I dine at the downstairs restaurant, I dance at the other end of the ballroom. I'm Moses and the parting of the red cheeks. I fuck and am fucked. I suck and am sucked. I rim them and wank them, and every single man's had the fucking time of his life. And I am not a pervert. If there's one twisted bastard in this family, it's this little blackmailer here. So congratulations, Thomas. I've just officially outed you. - Stuart
Ystyriwyd y gyfres gyntaf yn hynod ddadleuol yn y DU am fod nifer o bobl wedi cael sioc yn sgîl yr iaith liwgar a'r ffaith fod bachgen 15 oed yn cymryd rhan mewn gweithredoedd rhywiol gyda dyn hŷn. Bryd hynny, yr oed cydsynio i ddynion hoyw yn y Deyrnas Unedig oedd 18, er i'r oed hwn gael ei ostwng i 16 yn ddiweddarach.) Roedd natur rywiol nifer o'r golygfeydd hefyd yn bwnc llosg; yn benodol y rhaglen gyntaf yn y gyfres lle cafwyd golygfa rywiol hir a oedd yn cynnwys hunan-leddfu, cyswllt rhefrol-geneuol ac alldafliad. Daeth y gyfres yn lwyddiant mawr er gwaethaf y ffaith ei bod yn cael ei darlledu'n hwyr yn y nos ac er i noddwr y rhaglen, y cwrw Beck's, dynnu allan.
Yn sgîl llwyddiant y gyfres gyntaf, comisiynodd Channel 4, Russell T. Davies i ysgrifennu ail gyfres. Er nad oedd Davies yn bwriadu ysgrifennu ail gyfres lawn yn wreiddiol, penderfynodd nad oedd llawer mwy o stori i ddweud, ac felly gorffennodd y stori gyda dwy raglen yn unig, Queer as Folk 2. Darlledwyd y gyfres yn 2000 i gynulleidfa ychydig yn llai, er gwaetha'r ffaith fod y rhaglen yn cael ei darlledu yn gynt yn y nos. Y tro hwn, ni chafwyd golygfeydd o natur rywiol amlwg, penderfyniad a ganmolwyd gan y bobl a feirniadodd y gyfres flaenorol. Beirniadwyd y gyfres gan nifer o gefnogwyr y gyfres am eu bod yn teimlo fod gormod o gwestiynau heb eu hateb a'u bod yn teimlo nad oedd yr ail gyfres yn "dod i gasgliad" penodol.
Remove ads
Wikiwand - on
Seamless Wikipedia browsing. On steroids.
Remove ads