Saeson

Y Saeson yw'r genedl a drig yn Lloegr fel cartrefle cynhenid iddi. Mae'r gair Gymraeg "Saeson" yn ffurf ar y gair Saxon. Un o sawl llwyth o bobl Ellmynig a ddechreuodd ymdeithio i Ynys Brydain yn y 5ed ganrif, ac yn ddilynol oresgyn y parthau o'r Ynys a adwaenid wedyn fel Lloegr, neu England, yn eu hiaith Deutonig eu hunain, oedd y Saxon neu'r Saeson. Gyda lwythau Teutonig eraill gelwir y bobl hyn yn Anglo-Saxon ganddyn nhw eu hunain a'u haneswyr. Fe'i arferir fel term cyfystyr â 'Seisnig' neu 'Saesneg' am y gwledydd lle siaredir Saesneg. Defnyddir hefyd yr elfen arall yn y term hwnnw, sef Anglo i gyfeirio at England a phethau'r Saeson. Mae'n cael ei ymestyn i gyfeirio at Brydain gyfan, h.y. Anglo-French wrth gyfeirio at ymwneud Prydain a Ffrainc a'i gilydd. Tardd yr elfen Eng -lish o Angle.

Saeson

Cyfanswm poblogaeth
90 miliwn
Ardaloedd gyda niferoedd sylweddol
DU: 45 miliwn Yr Unol Daleithiau: 28 miliwn Canada: 6 miliwn Awstralia: 6 miliwn
Ieithoedd
Saesneg
Crefydd
Cristnogaeth, arall, dim
Grwpiau ethnig perthynol
Americaniaid, Canadiaid, Awstraliaid, a phobloedd eraill o dras Seisnig. Hefyd: Ffrisiaid, Iseldirwyr, Almaenwyr, Llychlynwyr

Yng Nghymru, defnyddir y term 'Saeson' gan bobl Gymraeg gyffredin am y nifer mawr o bobl Saesneg eu hiaith yn y wlad, neu gyd genedl heb ddim Cymraeg ganddyn bellach, yn dilyn y dinistriad helaeth ar y Gymraeg dros yr 20g, yn hytrach nag am Saeson Lloegr yn unig ac yn benodol. Ceir enghraifft gynnar o 'Sais' fel ansoddair yn yr ystyr "un yn medru Saesneg" yn enw'r bardd Elidir Sais yng nghyfnod Llywelyn Fawr.

Chwiliwch am Saeson
yn Wiciadur.

Eginyn erthygl sydd uchod am Loegr. Gallwch helpu Wicipedia drwy ychwanegu ato.