Torasgwrn

Cyflwr meddygol yw torasgwrn (sydd weithiau'n cael ei dalfyrru yn y Saesneg i FRX neu Fx, F_x, neu #) ble mae difrod i undod neu barhad yr asgwrn. Gall torasgwrn fod yn ganlyniad i ergyd neu straen, neu'r anaf trawma lleiaf o ganlyniad i gyflyrau meddygol sy'n gwanhau'r esgyrn, megis osteoporosis, cancr yr esgyrn, neu osteogenesis imperfecta, ble mae'r toriad bryd hynny'n cael ei alw'n doriad patholegol.^[1]

Torasgwrn

Enghraifft o:	clefyd, symptom, symptom neu arwydd
Math	trawma mawr, clefyd yr esgyrn, trawma
Dynodwyr
Thesawrws NCI	C3046
Freebase	/M/03fz1q
Thesawrws y BNCF	5654
MeSH	D050723
UMLS CUI	C0016658
Quora	Bone-fractures
Ffeiliau perthnasol ar Gomin Wicimedia

Arwyddion a symptomau

Gall torasgwrn achosi poen am sael rheswm:^[2]

• Toriad ym mharhad y periosteum, ynghyd â neu heb toriad cyfatebol yn yr endosteum, gan fod gan y ddau nifer o dderbynyddion poen
• Edema o feinwe meddal gerllaw sy'n cael ei achosi gan waedlestri periostealaidd yn gwaedu gan ysgogi poen gyda phwysau 
• Gwingiadau cyhyrol sy'n ceisio cadw darnau'r asgwrn yn eu lle. Mae weithiau yn cael ei ddilyn gan grampio

Gall arwyddion a symptomau penodol eraill gael eu hachosi gan ddifrod i strwythurau cyfochrog, megis nerfau, llestri gwaed, llinyn y cefn, a gwreiddiau nerfau (gyda thorri'r asgwrn cefn), neu gynnwys creuanol (gyda thoriad yn y penglog).