Anis
From Wikipedia, the free encyclopedia
Remove ads
Anis[1] (Pimpinella anisum) jo gójeńska rostlina a wěrcowe zelko ze swójźby wokołkojtych rostlinow.
Remove ads
Etymologija
Mě póchada wót grichiskego słowa ανηθον za dylu, z kótarymž bu anis zaměnjowany.
Synonymy
- Apium anisum Crantz
- Sison anisum Sprengel
- Tragium anisum Link
- Carum anisum Baillon
- Selinum anisum E. H. L. Krause
- Anisum vulgare Gärtner
- Anisum officinarum Mönch
- P. anisum cultum Alef.
Wopis
Anis jo jadnolětna rostlina a dośěgnjo wusokosć wót něźi 25 až do 60 cm.
Kijašk jo rowny a lažko kósmaty.
Łopjena
Spódne łopjena su wutšobojśe kulojte, na kšomje nutś rězane a dośěgnu dłujkosć wót 2 až do 5 cm. Kijaškowe łopjena su tśilicbne až do pjerkowje źělone.
Kwiśonki
Małe běłe kwiśonki z pśeměrom wót 3 mm su w bźezwobalkowych, nejcesćej dwanasćopruhojće gromaźe stajonych wokołkach (tak mjenjowana dwójna wokołka) rědowane a kwiśu wót julija až septembra.
Płody
Płody, kótarež w awgusće/septembrje se mógu žněś, dośěgnu dłujkosć wót 3 až 5 mm, su owalne a maju šere kósmy.
Wužywanje
W kucharskich kumštach bu semjenja rostliny wužywane. Anis pólěpšujo głownje słodke pjacywa, placki, likery (anisowy paleńc) a sirup.
Nožki
Eksterne wótkaze
Wikiwand - on
Seamless Wikipedia browsing. On steroids.
Remove ads