Nana Akufo-Addo

Willliam Nana Addo Dankwa Akufo-Addo (29 Tedoxe 1944) nye Ghana senyala kple dunyahela si do ƒome kple New Patriotic Party (NPP) si va zu Ghana ƒe dukplɔla le Dzove 2017. Wogatiae le ƒe 2020 me eye wònɔ dɔ wɔm vaseɖe Dzove Ƒe 2025 me^[1].

Dukplɔla xoxo Nana Addo Dankwa Akufo-Addo

Akufo-Addo enye Ghana ƒe Sewodzikpɔla gãtɔ tso 2001 vaseɖe 2003 eye wò ga nye Ghana ƒe Dutanyawodzikpɔla tso 2003 vaseɖe 2007 le Dukplɔla John Kufuor te.^[2] Habɔbɔ si ɖo eƒe ŋkɔ ɖe ŋgɔ na dziɖuɖu enye New Patriotic Party.

Ðevimenɔɣi kple Sukudede

Wodzi Akufo-Addo eye wonyii le Accra, enye Edward kple Adeline Akufo-Addo ƒe viŋutsu^[1][3]. Exɔ eƒe gɔmedzesuku le Accra, eye wòde Dziɖuɖu Ŋutsuviwo ƒe Suku gbã eye emegbe wòde Rowe Road Suku. Akufo-Addo yi United Kingdom hena eƒe sekɛndrisuku, eye wòsrɔ̃ nu le Lancing College (ƒe 1957–61)^[4]. Etrɔ gbɔ va aƒe le Ghana eye le ƒe 1964 me la, edze Ghana Yunivɛsiti dede gɔme, eye wòwu suku nu kple gaŋutinunya ƒe ɖaseɖigbalẽ le ƒe 1967 me^[5]. Akufo-Addo trɔ yi UK be yeasrɔ̃ senyawo eye woyɔe be wòava senyalawo ƒe dɔwɔƒe le England (Middle Temple) le ƒe 1971 me eye le Ghana le ƒe 1975^[6]. Emegbe etrɔ yi Ghana eye tso ƒe 1975 va ɖo ƒe 1979 me la, ewɔ dɔ le UV Campbell ƒe dɔwɔƒe. Le ƒe 1979 me la, ewɔ ɖeka ɖo senyawo gbɔ kpɔƒe si nye Akufo-Addo, Prempeh & Co^[1].