'L aquerêl[1] l'è cla manéra ed piturèr coi culōr ch'i s pùcen in dl'àqua. Aquerêl 'l è anc al prodòt finêl ch'a in selta fóra. 'L aquarelìsta al pitùra masimamèint in sìm'ala chèrta, méj quèla fata cun dal fibri 'd cutòun, ch'i gh'dàn dla stabilitê anc 'd sòt'a 'l mój ed chi culōr chè.
La pitùra a 'l aquarêl, pròpia perchè la dróva dimòndi al mój edl'àqua, la vin fóra dimòndi trasparèinta, e anca el penlèdi ùna in sìm'a cl'ètra i n'gh'la chèven briśa ed cuacèr quêl ch'a gh'era sòta, mo i s'egh misćiaràn a fèr dal diferèinti sfumadùri. I culōr i armàgnen delichê a guardèr-i e minga sćiasōś, che gl'ìn sèimper sćiarî dal'àqua.