Alòc

Miranduléś

C'l artìcul chè 'l è scrit in Miranduléś

Alòc
'n alòc in vōl
Dominì: Eukaryota
Rèign: Animalia
Phylum: Chordata
Clâsa: Aves
Órdin: Strigiformes
Famija: Strigidae
Sòtfamija: Striginae
Gènàr: Strix Linnaeus, 1758
Sòrta: Strix aluco aluco • Strix aluco biddulphi Strix aluco harmsi • Strix aluco ma Strix aluco mauritanica • Strix aluco nivicola Strix aluco obrieni • Strix aluco obscurata Strix aluco sanctinicolai • Strix aluco siberiae Strix aluco sylvatica • Strix aluco volhyniae Strix aluco willkonskii • Strix aluco yamadae

'L alòc (nóm sientìfic Strix aluco, allocco in itagliàṅ) 'l è 'n uśèl rapàś dla famìja di strigidi. C'n al stés nóm i s ciàm'n anc di àt'r uśèi dal gènar Strix. 'L è cgnusû anc cuma “grandòć brûṅ”.

Al viṿ in Európa, in Turchìa e in dal Nordàfrica, praticamènt dapartùt in du 'l pōl catàr di bòsc o di parc pîṅ 'd piànti, dònca anc in sità.

Descrisiòṅ

'L alòc al gh'à di òć négar grand e di uréci sénsa caplòsa. In di bòsc al s lóga facilmènt parchè al sò culōr maròṅ/griś al pâr qvél dla scòrsa di àrbui.

Al miśùra dagnóra quarànta cm mént'r al sò pēś 'l armàgn ad sóta di siesènt gram. La fémna l'è più grôsa di masć.

Al magna di mamìfar piculèṅ, specialmènt i sórag, ma anc di uślèṅ, rètii e insèt. Ad sòlit 'l è na bèstia ch'la và in gir ad nòt a part quànd la gh'à da dar da magnàr a i pulśèṅ ch'alóra la pōl saltàr fóra anc a la basōra o durànt al dè p'r andàr a casa. Al fà afidamènt a 'l sò sintēr, dimóndi śvilupâ, e a 'l fat ad psēr vulàr sénsa far di ciòc.

Al fà 'l gnal fra Favràr e Maǵ in pòst bandunâ cuma buś in di àlbar, munumènt e camèṅ. La fémna la fà da i dū a i quàt'r ōṿ a la vòlta, pò i pulśèṅ i nàsan dòp un méś da la cuàda. In dal gir ad quàtar méś i pìcui i pōlan scampàr da par lōr.

In Itàglia l'è na spécie prutèta a i sèns dla léǵ 157/92.

Manéri 'd dir

(EGL) Dir a qualchidòṅ ch'l è 'n alòc a vōl dir ch'l è na parsòna strampalàda, incantàda, balórda e siòca.

Culegamènt estéran

Àtar prugèt

Wikiquote contiene citazioni di o su Alòc
Wikimedia Commons contiene file multimediali su Alòc