Foo Fighters

Miranduléś

C'l artìcul chè 'l è scrit in Miranduléś

«

Hey you, are you in there, I'm stuck outside you, ooh, we could use one another, another like you, ooh, you be my passerby, I'll be your one to pass through, screws inside, turn so tight turning on you, I'm hanging on you, ooh, me and you, going nowhere, I'm right beside you.»

(EN)(Low, 2002)

«

Vê tè, gh sē't lè? A m sènt mis da na banda da tè, ooh, a prévan jutàr-as 'l un cun c'l àtar, 'n àtar cumpàgn a tè, ooh, at gh'à da ès'r al mè pasànt, a sarò qvél ch'al gh pasrà in mèś, vidâ dèntar, a m pril acsè fòrt arvulsénd-um vèrs ad tè, a t tégn sòdi, ooh, mè e tè, a 'ndém in ninsòṅ sit, a t sòṅ pròpria incòst.»

(MUD)

I Foo Fighters (manéra 'd dir strulgàda durànt la secónda guèra mundiàla ch'a vōl dir Ufo) i èṅ un grup ad rock alternatìṿ mis in pē a Seattle in dal 1994 p'r al baterìsta di Nirvana Dave Grohl dòp la mòrt ad Kurt Cobain.

In dla sò banda nóva Grohl 'l à tacâ a cantàr e a sunàr la chitàra. Gl'àtar mémbar dal grup 'd adès i èṅ Pat Smear e Chris Shiflett a la chitàra, Nate Mendel a 'l bas, Rami Jaffee a 'l tastéri e Taylor Hawkins a la baterìa.

In dla sò caréra i aṅ vindû da piò ad dódas migliòṅ ad disc in di sōi Stat Unî e quàtar di sò disc i aṅ purtâ a cà al Grammy Awards in dla categurìa di Àlbum Rock.

Fra i sò sìngui a 'rcurdém I'll Stick Around (fat a la manéra grunge), Monkey Wrench, My Hero, Learn to Fly (sunàda a Ciśéna in dal 2015 da piò ad dumìla fans in un vìddeo vdû da piò ad quarant'òṅ migliòṅ ad cristiàṅ su YouTube par dmandàr a 'l grup ad vgnir a sunàr in Rumàgna^[1]), Breakout, Low, Best of You, Rope e Walk.