Ucéan Atlàntic

Miranduléś

C'l artìcul chè 'l è scrit in Miranduléś

'L Ucéan Atlàntic 'l è òṅ di sinc ucéan dla Tèra, al secónd più grand dòp qvél Pasìfic. Al divìd l'Európa e l'Àfrica (ch'i s càt'n a èst) da l'Amèrica (ch'la s cata a òvest). Al mùcia insém al 20% dla superfìsi dal nòstar pianēd e 'l 26% di àqui, p'r un tutàl ad 106.400.000 chilómetar quàdar.

In dal mèś a gh pasa la curènt dal Gōlf ch'la cuntribuìs a scaldàr l'Európa dal Nòrd.

Par cunvensiòṅ 'l equatōr 'l al taja in dū bandi, nòrd e sud. Al gh'à i cunfîṅ scrit chè 'd sóta:

nòrd: ucéan Àrtic;
sud-èst: ucéan Indiàṅ;
òvest: ucéan Pasìfic par via ad tri bras ad mâr, da nòrd-òvest a sud-ovèst a s trata dal strét ad Bering, dal strét ad Magelàṅ e dal Canàł ad Drake;
sud: ucéan Antàrtic.

'L è anc culegâ c'n i mâr:

Mâr Baltic;
Mâr di Caràibi;
Mâr Giasâ Àrtic;
Gōlf ad Guinéa;
Mâr Mediteràni;
Gōlf dal Mèsic;
Mâr dal Nòrd;
Mâr Négar.

Culegamènt estéran

(IT) La sò paśna su 'l sit dla Treccani