Acalyphoideae
From Wikipedia, the free encyclopedia
Remove ads
Acalyphoideae estas subfamilio de eŭforbiacoj enhavanta pli ol 3 000 speciojn en eble 99 genroj kaj 14 triboj, vivanta en ĉiuj tropikaj teroj de la mondo.
Remove ads
Priskribo
Malsame de aliaj eŭforbiacoj, kiujn insektoj polenas, pluraj specioj de Acalyphoideae dependas de venta polenado.[1] La floroj povas havi aŭ ne havi petalojn. La poleneroj havas du nukleojn[2] kaj formojn tre diversajn, sed plej ofte estas malgrandaj kun tri porohavaj sulkoj.[3] La indumento estas simpla aŭ stelforma. La plantoj ordinare ne havas latekson kaj plejparte estas lignaj arboj aŭ arbetoj, kvankam iuj estas herboj.[4]
Remove ads
Uzeblo
Diversaj specioj de Acalyphoideae estas uzataj kiel fontoj de manĝeblaj semoj,[5] medikamentoj,[6] aŭ ligno.[7] Kiel ĉe aliaj eŭforbiacoj, venenaj substancoj estas oftaj en Acalyphoideae. Unu parencaro de biokemiaj venenoj sintezitaj el nikotina acido estas specifa de la subfamilio.[8]
Evoluo
Laŭ genetika analizo de vivantaj specioj de Acalyphoideae ilia komuna praplanto vivis en Azio antaŭ proksimume 90 milionoj da jaroj dum la Kretaceo, de kie ili disvastiĝis al aliaj tropikaj regionoj. La unua tribo, kiu debranĉiĝis, estis la sudorient-Azia grupo Erismantheae. Preskaŭ ĉiuj amerikaj membroj de la subfamilio devenas de unu transiro el Afriko en Sudan Amerikon, plej probable dum la Paleoceno antaŭ proksimume 60 milionoj da jaroj.[9] Fosilioj, kvankam malmultaj, estas trovitaj almenaŭ de la Frua Eoceno.[10][11]
Sistematiko
La sistematiko de Euphorbiaceae restas malbone komprenita. De 1975 ĝis 2005 oni klasifikis en la subfamilio Acalyphoideae ĉiujn plantojn klare parencajn al Euphorbioideae kaj Crotonoideae, sed ne havantajn ties distingajn karakterojn.[12] La apero de genetika studo montris, ke la plejparto de la grupo estas monofiletika; la ceteraj partoj estis apartigitaj kiel Cheilosoideae kaj Peroideae aŭ Peraceae.[13] La restantaj Acalyphoideae estas provizore klasifikataj en la jenaj 14 triboj, kvankam genetikaj studoj indikas, ke pluraj triboj povas esti nevalidaj.[14]
- Erismantheae
- Caryodendreae
- Agrostistachydeae
- Sphyranthereae
- Alchorneeae
- Ricineae
- Acalypheae
- Pycnocomeae
- Ampereeae
- Epiprineae
- Chrozophoreae
- Adelieae
- Bernardieae
- Plukenetieae
Remove ads
Referencoj
Wikiwand - on
Seamless Wikipedia browsing. On steroids.
Remove ads