Ernesto Lecuona
kuba komponisto kaj eŭskido From Wikipedia, the free encyclopedia
kuba komponisto kaj eŭskido From Wikipedia, the free encyclopedia
Ernesto Lecuona y Casado [erNESto leKŬOna i kaSAdo] (6-a de aŭgusto, 1896–29-a de novembro, 1963) estis kuba komponisto kaj eŭskido. Komponistino kaj pianistino Ernestina Lecuona estis lia fratino.
| Ernesto Lecuona | |
|---|---|
 | |
| Persona informo | |
| Naskonomo | Ernesto Sixto de la Asunción Lecuona Casado |
| Naskiĝo | 6-an de aŭgusto 1896 en Guanabacoa |
| Morto | 29-an de novembro 1963 (67-jaraĝa) en Santa Cruz de Tenerife |
| Mortokialo | Astmo  |
| Tombo | Gate of Heaven Cemetery (en)  |
| Lingvoj | hispana |
| Loĝloko | Tampa |
| Ŝtataneco | Hispanio |
| Alma mater | Carlos Alfredo Peyrellade Conservatory (en) |
| Familio | |
| Frat(in)oj | Ernestina Lecuona Casado kaj Eugenio Lecuona Casado (en) |
| Parencoj | Margarita Lecuona (en) (nevino) Rafael A. Lecuona (en) (nevo) |
| Okupo | |
| Okupo | pianisto filmkomponisto kantoverkisto komponisto aktoro |
La filo de hispana ĵurnalisto loĝanta en Kubo, eklernis pianludadon sub la aŭspicio de sia fratino Ernestina. Li estis mirinfano, kies unua recitalo okazis je la aĝo de kvin jaroj, kaj 13-jaraĝa verkis sian unuan komponaĵon titolita Kubo kaj Ameriko, por koncerta ensemblo.
Li studis en la Muziklernejo Peyrellade kune kun Antonio Saavedra kaj la famulo Joaquín Nin. Lecuona brile finis siajn studojn en la Nacia Muziklernejo per Ora Medalo pro interpretado kiam ankoraŭ estis nur 16jara knabo. Ekster Kubo komenciĝis lia kariero en la "Aeolian Hall" (Novjorko) kaj daŭrigis siajn studojn en Francio kun Maurice Ravel. Li enkondukis la unuan latinamerian orkestron en Usono.
Kune kun Gonzalo Roig kaj Rodrigo Prats, formas la plej grava triopo de komponistoj de la kuba lirika teatro kaj speciale de la zarzuelo. La plej grava kontribuo de Lecuona al la teatra genro estas la definitiva versio de la kuba romanco. Inter liaj verkoj rimarkindas la zarzueloj Canto Siboney, Damisela Encantadora, Diablos y Fantasías, El Amor del Guarachero, El Batey (1929), El Cafetal, El Calesero, El Maizal, La Flor del Sitio, Tierra de Venus (1927), María la O (1930) kaj Rosa la China (1932); la kanzonoj Canto Carabalí, La Comparsa kaj Malagueña (1933), al lia verkaro ankaŭ apartenas Andalucía; liaj pordancaj verkoj, Danza de los Ñáñígos kaj Danza Lucumí; la opero El Sombrero de Yarey, la Rapsodia Negra por piano kaj orkestro, kaj Suite Española i.a.
Per liaj plej gravaj zarzueloj, Ernesto Lecuona klasike formigis la kuban zarzuelon rilate al la genro kaj stilo. En 1942 lia komponaĵo Siempre en mi Corazón estis nomumita al la Oskar-premio kiel plej bona kanzono; perdante ĝin nur kontraŭ White Christmas.
En 1960, tre malkontenta pro la regado de Fidel Castro, Lecuona translokiĝas al Tampa, Usono. Dum la sekvantaj jardekoj, la kuba muzika historio, sub la premo de la oficiala komunisma partio, ne agnoskis la socian kaj kulturan kontribuon de tiu ĉi artisto, precizendas, ke la disvastigo de lia verkara ŝuldiĝas al la granda penado de lia amiko kaj artista kunlaboranto Orlando Martínez, kaj ankaŭ de la muzikologo kaj pianisto Odilio Urfé. Tamen, la preso kaj kritiko -kaj ekstere kaj ene de la lando— ĉiam estis favora al Lecuona.
Tri jarojn poste li forpasis en Santa Cruz de Tenerife, Kanariaj Insuloj, dum ferioj por konatiĝi kun la naskiĝloko de liaj gepatroj. Liaj restaĵoj ripozas ĉe la tombejo de Gate of Heaven, en Hawthorne, Novjorko.
Ernesto Lecuona aperas kiel ĉefrolisto en la romano La isla de los amores infinitos (La insulo de la senfinaj amoj) (Grijalbo, 2006), de la kuba verkistino Daína Chaviano, kiu ankaŭ omaĝas lin komencante romanon per la citaĵo: "Estás en mi corazón, aunque estoy lejos de ti" (Vi estas en mia koro, kvankam mi estas malproksime de vi) prenita de unu el liaj plej famaj verkaĵoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
