Konserva biologio

Konserva biologio, Konservobiologio, Konservada biologio aŭ Konservadekologio estas la scienca studo de la naturo kaj statuso de la biodiverseco de la Tero kun la celo protektadi speciojn, iliajn vivejojn, kaj ekosistemojn de troaj indicoj de formorto.^[1][2][3] Ĝi estas interfaka kampo uzanta sciencojn, ekonomikon, kaj la praktikon de natura resursoadministrado.^[4][5][6][7]

Oni faras klopodojn por konservi la naturajn karakterojn de la Akvofaloj Hopetoun, Aŭstralio por plupermesi vizitantan aliron.

Historio de la termino

La esprimo konservadekologio (conservation biology) estis lanĉita kiel titolo de konferenco okazinta ĉe la Universitato de Kalifornio, San Diego en La Jolla, Kalifornio en 1978 organizita fare de biologoj Bruce Wilcox kaj Michael E. Soulé. La renkontiĝo estis ekigita fare de la konzerno inter sciencistoj pri tropika senarbarigo, malaperantaj specioj, malpliigo de genetika diverseco ene de specioj.^[8] La konferenco kaj konferencartikoloj kiuj rezultis serĉis transponti interspacon ekzistantan en tiu tempo inter teorio en ekologio kaj populacibiologio de unu flanko kaj konservopolitiko kaj praktiko ĉe la alia. Konservadekologio kaj la koncepto de biologia diverseco (biodiverseco) aperis kune, helpante al kristaligo de la moderna epoko de konservadoscienco kaj politiko.