Apis mellifera

La eŭropa mielabelo, latine Apis mellifera, estas dombesta mielabelo kun eŭropa origino. Ĝi estas konsiderata kiel duondombesta. Ĝi estas unu el la grandskale bredataj abeloj en abelbredado por produkti mielon kaj por polenado.

Kiel legi la taksonomion Apis mellifera
Biologia klasado
Regno: Bestoj Animalia Filumo: Artropodoj Arthropoda Klaso: Insektoj Insecta Ordo: Himenopteroj Hymenoptera Familio: Abeledoj (Apidae) Genro: Apis
Aliaj Vikimediaj projektoj
Sistematiko en Vikispecioj
Komunejo pri Apis mellifera
v • d • r

La nomo de la genro Apis estas la latina termino por "abelo", kaj mellifera signifas "kiu donas mielon", reference al la emo de tiu specio produkti grandan kvanton da mielo por stoki ĝin printempe kaj somere antaŭ konsumado en vintro.

Dank'al la homoj, la eŭropa abelo estas nun sur ĉiuj kontinentoj escepte de Antarkto. Pro sia vastega disvastiĝo, tiu specio estas la plej grava polenanto por agrikulturo je monda skalo. Diversaj difektegantoj kaj malsanoj minacas la abelojn, aparte la kolapso de abelaroj.

Subspecioj

Naskiĝo de nigra abelo (Apis mellifera mellifera).

Apis mellifera enhavas 28 subspeciojn (ĉiuj fekundigeblaj inter si) disigitaj en kvin ĉefaj grupoj (laŭ iliaj evoluoj kaj geografiaj situoj) bazitaj sur la laboro de Friedrich Ruttner kaj konfirmitaj per analizo de l'mitokondria DNA :

• Grupo A («Afriko»),
• C («carnica», subspecio en orienta Eŭropo kaj sude de Alpoj),
• M («mellifera», subspecio en okcidenta kaj norda Eŭropo),
• O («orientale», subspecio en Mezoriento kaj centra Azio)
• kaj Y («yemenitica», de Jemeno)^[1].

• Apis mellifera adami (Ruttner)
• Apis mellifera adansonii (Latreille)
• Apis mellifera anatoliaca (Maa)
• Apis mellifera artemisia (Engel)
• Apis mellifera capensis (Eschscholtz)
• Apis mellifera carnica (Pollman)
• Apis mellifera caucasia (Pollmann)
• Apis mellifera cecropia (Kiesenwetter)
• Apis mellifera cypria (Pollman)
• Apis mellifera iberica (Engel)
• Apis mellifera intermissa (Maa)
• Apis mellifera jemenitica (Ruttner)
• Apis mellifera lamarckii (Cockerell)
• Apis mellifera ligustica (Spinola)
• Apis mellifera litorea (Smith)
• Apis mellifera macedonica (Ruttner)
• Apis mellifera meda (Skorikov)
• Apis mellifera mellifera (Linnaeus)
• Apis mellifera monticola (Smith)
• Apis mellifera remipes (Gerstaecker)
• Apis mellifera ruttneri (Sheppard, Arias, Grech & Meixner)
• Apis mellifera sahariensis (Baldensperger)
• Apis mellifera scutellata (Lepeletier)
• Apis mellifera siciliana (Grassi)
• Apis mellifera sossimai (Engel)
• Apis mellifera syriaca (Skorikov)
• Apis mellifera taurica (Alpatov)
• Apis mellifera unicolor (Latreille)

La plej uzataj en abelbredado

La varioj plej uzataj en abelbredado estas^[2] :

• La Buckfast, miksaĵo de multaj elektitaj varietatoj
• Apis mellifera ligustica, la itala flava abelo
• Apis mellifera carnica, la karniola abelo
• Apis mellifera mellifera, la niugra abelo
• Apis mellifera caucasia, la kaŭkaza abelo

La Afrikigita abelo, konata ankaŭ kiel Afrikigita mielabelo, kaj konata populare kiel la "murdabelo", estas hibrido de okcidenta mielabela specio (Apis mellifera), produktita origine per kruc-bredado de orientafrika malaltera mielabelo (A. m. scutellata) kun variaj eŭropaj mielabeloj kiel la itala mielabelo A. m. ligustica kaj la iberia mielabelo A. m. iberiensis.